ალტე უნივერსიტეტის საზაფხულო სკოლა X-XII კლასის მოსწავლეებისთვის იწყება

ალტე უნივერსიტეტის საზაფხულო სკოლა – „თამაშის თეორია – სტრატეგიული აზროვნებისთვის“ – იწყება!

საზაფხულო სკოლა X-XII კლასის მოსწავლეებს სთავაზობს ერთ კვირიან ინტენსიურ კურსს, სადაც ისინი გაეცნობიან თამაშის თეორიის საინტერესო სამყაროს. კურსი მოიცავს საინტერესო აქტივობებს, განხილვებსა და მინი-შეჯიბრებებს, რაც სწავლების პროცესს ბევრად სახალისოს ხდის.

თამაშის თეორია სტრატეგიული გადაწყვეტილებების მიღების მეცნიერებაა. ის ეხმარება მოსწავლეებს გაიგონ, როგორ აზროვნებენ, იქცევიან და აწყობენ ურთიერთობებს ადამიანები რეალურ ცხოვრებაში – იქნება ეს პოლიტიკა, ბიზნეს სამყარო, თუ უბრალოდ ურთიერთობა მეგობრებს შორის.

პროგრამა მოსწავლეებს დაეხმარება:

ლოგიკური და სტრატეგიული აზროვნების განვითარებაში
ეფექტური მოლაპარაკებების უნარის გაუმჯობესებაში
გადაწყვეტილებების მიღების პროცესში თავდაჯერებულობის ამაღლებაში

კურსს პროფესორი ვასილ რევიშვილი – London Business School-ის მაგისტრი და ალტე უნივერსიტეტის ლექტორი გაუძღვება.

მისი მრავალწლიანი გამოცდილება, აკადემიურ ცოდნასთან ერთად, მაღალი დონის საერთაშორისო პრაქტიკასაც აერთიანებს. ვასილი საქმიანობდა წამყვან პოზიციებზე როგორც ქართულ, ისე საერთაშორისო ფინანსურ ორგანიზაციებში, მათ შორის:

გენერალური დირექტორი Silver Bank Limited-ში
მმართველი პარტნიორი Thales Investments-ში (ესტონეთი)
ვიცე-პრეზიდენტი საქართველოს ბანკში (Deputy CEO Global Head of Wealth and Asset Management)
უფროსი საინვესტიციო მენეჯერი Pictet Asset Management SA-ში (შვეიცარია/ბრიტანეთი)

ლოკაცია: ალტე უნივერსიტეტი, უნივერსიტეტის ქ. 2

დრო: 4–10 აგვისტო

კურსის ღირებულება: 1750 ლარი – მოიცავს კვებასა და აქტივობებს

რეგისტრაცია გაგრძელდება 23 ივლისის ჩათვლით.

იჩქარეთ, საზაფხულო სკოლაში ადგილების რაოდენობა შეზღუდულია

სარეგისტრაციო ბმული

უნივერსიტეტის სხვა ამბები