ალტე უნივერსიტეტს Artvin Çoruh Üniversitesi-ს დელეგაცია ესტუმრა

ალტე უნივერსიტეტს თურქეთის უნივერსიტეტის – Artvin Çoruh Üniversitesi, დელეგაცია ესტუმრა.

ალტე უნივერსიტეტის მიერ 5 ნოემბერს გამოქვეყნებული ინფორმაციით, ვიზიტის ფარგლებში უნივერსიტეტებს შორის თანამშრომლობის მემორანდუმი გაფორმდა, რომელიც მიზნად ისახავს აკადემიური და კვლევითი თანამშრომლობის განვითარებას ინსტიტუციებს შორის.

შეხვედრას ალტე უნივერსიტეტის პრეზიდენტი რამაზ კუკულაძე, ვიცე-პრეზიდენტი აკადემიურ საქმეთა და კვლევის მიმართულებით ირმა გრძელიძე და საერთაშორისო ურთიერთობების დეპარტამენტის დირექტორი თორნიკე ბაქაქური ესწრებოდნენ.

Artvin Çoruh Üniversitesi-ის დელეგაციას შორის იყვნენ უნივერსიტეტის რექტორი Prof. Dr. İbrahim Aydın და Erasmus+ კოორდინატორი და საერთაშორისო ურთიერთობების ხელმძღვანელი Hakan Gültekin.

შეხვედრაზე მხარეებმა სტუდენტური და აკადემიური პერსონალის გაცვლითი პროგრამების შესაძლებლობები განიხილეს. ამასთან ერთად, ისაუბრეს მდგრადი განვითარებისა და ტექნოლოგიების მიმართულებით ერთობლივი პროექტების, საზაფხულო სკოლების, Erasmus+ პროგრამისა და კვლევითი აქტივობების დაგეგმვაზე.

აღნიშნული პარტნიორობა ალტე უნივერსიტეტის საერთაშორისო პარტნიორობის ქსელს კიდევ უფრო გააფართოვებს და სტუდენტებისა და აკადემიური პერსონალისთვის თანამშრომლობის ახალ შესაძლებლობებს შექმნის.

უნივერსიტეტის სხვა ამბები