აწსუ-ში აბიტურიენტებისა და მეთერთმეტეკლასელებისათვის მათემატიკის კონკურსი ჩატარდება

აკაკი წერეთლის სახელმწიფო უნივერსიტეტში აბიტურიენტებისა და მეთერთმეტეკლასელებისათვის მათემატიკის კონკურსი ჩატარდება.

კონკურსის ორგანიზატორი ზუსტ და საბუნებისმეტყველო მეცნიერებათა ფაკულტეტი და მათემატიკის დეპარტამენტია.

მონაწილეობისთვის საჭიროა წინასწარი რეგისტრაცია ბმულზე 14 მარტის ჩათვლით.

მონაწილეობა უფასოა. შედეგების მიხედვით გამოვლინდებიან გამარჯვებულები. პირველ ოცეულში მოხვედრილ კონკურსანტებს გადაეცემა სერტიფიკატები.

აბიტურიენტები, რომლებიც მიმდინარე წელს ჩაირიცხებიან აწსუ-ს მათემატიკის საბაკალავრო პროგრამაზე, ეროვნულ გამოცდებზე მათემატიკაში გადალახული ექნებათ 30%-იანი ბარიერი და აღნიშნული კონკურსის რანჟირებული სიის მიხედვით აღმოჩნდებიან I-III ადგილზე, სწავლების პირველი სემესტრის განმავლობაში ყოველთვიურად მიიღებენ ფულად წახალისებას შესაბამისად 200, 150 და 100 ლარის ოდენობით.

კონკურსის მიზანია გამოავლინოს ნიჭიერი ახალგაზრდები და ხელი შეუწყოს მათ შემდგომ წინსვლას.

დეტალური ინფორმაციის მისაღებად დაუკავშირდით მისამართზე: ქ. ქუთაისი,
თამარ მეფის ქ. № 59, აწსუ-ს მათემატიკის დეპარტამენტი, ტელ: 595556090.

სარეგისტრაციო ბმული

უნივერსიტეტის სხვა ამბები