ჭადრაკის სწავლება მეორე კლასშიც გაგრძელდება – განათლების მინისტრის ბრძანება და განახლებული საათობრივი ბადე გამოქვეყნდა
საქართველოს განათლებისა და მეცნიერების მინისტრმა ხელი მოაწერა ეროვნულ სასწავლო გეგმაში განხორციელებულ ცვლილებებს, რომლის თანახმადაც ჭადრაკის სწავლება სკოლებში მეორე კლასშიც გაგრძელდება. ბრძანებით, მეორეკლასელები ჭადრაკის სწავლას 2023 წლის სექტემბრიდან დაიწყებენ.
როგორც დღეს, 1-ელ თებერვალს გამოქვეყნებულ ბრძანებაში ვკითხულობთ, I და II კლასებში სკოლისთვის ჭადრაკი იმ შემთხვევაში არის სავალდებულო, თუკი ჰყავს შესაბამისად მომზადებული მასწავლებელი.
გარდა ამისა, II, III და IV კლასებში, საგანი „კომპიუტერული ტექნოლოგიები“ ერთსაათიანი კვირეული დატვირთვით 2022-2023 სასწავლო წლიდან ხდება სავალდებულო.
ცვლილებების გათვალისწინებით, ეროვნულ სასწავლო გეგმაში გაიწერა განახლებული საათობრივი ბადე.
იხილეთ: საათობრივი ბადე საჯარო სკოლების/სექტორების დაწყებითი საფეხურისთვის
“ეს ბრძანება, გარდა ამ ბრძანების პირველი მუხლისა, ამოქმედდეს გამოქვეყნებისთანავე. ბრძანების პირველი მუხლი ამოქმედდეს 2023 წლის 15 სექტემბრიდან, ხოლო ზოგადსაგანმანათლებლო დაწესებულების სახელმძღვანელოს გრიფის მინიჭების მიზნებისთვის – გამოქვეყნებისთანავე.წერია მიხეილ ჩხენკელის ბრძანებაში.
ასევე იხილეთ:
„ვფიქრობთ, ჭადრაკი მეორე კლასშიც გავაგრძელოთ, ძალიან წარმატებულია“ – განათლების მინისტრი
- „განათლებაში სარისკო გლობალური ტენდენციების დამკვიდრება არ გვინდა“ – ზგემის საბოლოო ვარიანტი შედგენილია by ARIS.GE-განათლება
- რა აქვს გასაკეთებელი განათლების სამინისტროს ბილინგვური განათლების უზრუნველსაყოფად – სახალხო დამცველის რეკომენდაციები by ARIS.GE-განათლება
- მასწავლებლის აღიარების, დაფასებისა და მხარდაჭერის როლი სწავლა-სწავლების პროცესში – მაგალითები by განათლებული ბლოგი