CIU-ს პირველკურსელი საერთაშორისო სტუდენტებისთვის საორიენტაციო შეხვედრა გაიმართა

22 ნოემბერს, კავკასიის საერთაშორისო უნივერსიტეტის (CIU) პირველკურსელი საერთაშორისო სტუდენტებისთვის საორიენტაციო შეხვედრა გაიმართა.

უნივერსიტეტის მიერ 24 ნოემბერს გამოქვეყნებული ინფორმაციით, სტუდენტები ადმინისტრაციის წარმომადგენლებსა და პროგრამის ხელმძღვანელებს შეხვდნენ. ღონისძიებაზე მათ სასწავლო პროგრამებისა და საუნივერსიტეტო აქტივობების შესახებ დეტალური ინფორმაცია მიიღეს.

აღსანიშნავია, რომ უნივერსიტეტის ადმინისტრაციასთან ერთად, საერთაშორისო სტუდენტებთან კონუმიკაციასა და სხვადასხვა სერვისის მიწოდებაში, „სტუდენტი მენტორის“ პროგრამის წარმომადგენლებიც აქტიურად მონაწილეობენ.

საერთაშორისო პირველკურსელთა განწყობაზე ზრუნავდა უნივერსიტეტის მასკეტი „მისტერ შეპარდი“. დღის ფარგლებში სტუდენტებს საშუალება ჰქონდათ, ემოციები შესაბამის ფოტოსივრცეებში აღებეჭდათ.

ღონისძიებაში 37 ქვეყნიდან წარმოდგენილი CIU-ს პირველკურსელი მონაწილეობდა.

უნივერსიტეტის სხვა ამბები