CIU-ში ფილმების ციკლის – „ქართული ფულის თავგადასავალი – 30 ამბავი“ – შიდა ჩვენება გაიმართა

19 დეკემბერს, კავკასიის საერთაშორისო უნივერსიტეტის (CIU) მულტიმედია ცენტრის პანორამულ სივრცეში სამეცნიერო-პოპულარული ფილმების ციკლის – „ქართული ფულის თავგადასავალი – 30 ამბავი“ – შიდა ჩვენება გაიმართა. ღონისძიებას უნივერსიტეტის ადმინისტრაციული და აკადემიური პერსონალი ესწრებოდა.

უნივერსიტეტის მიერ გამოქვეყნებული ინფორმაციით, CIU მულტიმედია ცენტრის პროექტი საქართველოს ეროვნული ვალუტის, ლარის შემოღებიდან 30 წლის საიუბილეო თარიღს მიეძღვნა. სამეცნიერო-პოპულარული ფილმების ციკლი ქართული ფულის ოცდაექვსსაუკუნოვანი ისტორიის შესახებ მოგვითხრობს. თითოეული სერია დეტალურად გვიამბობს, რა გზა გაიარა ქართულმა ფულმა კოლხური თეთრიდან ლარამდე.

აღსანიშნავია, რომ 30 სერიისგან შემდგარი სამეცნიერო-პოპულარული ფილმების ციკლი კავკასიის საერთაშორისო უნივერსიტეტის საგრანტო პროექტის ფარგლებში მომზადდა.

უნივერსიტეტის სხვა ამბები