CIU-ში, „ვარდისფერი ოქტომბრის“ კამპანიის ფარგლებში, საჯარო შეხვედრა გაიმართა

20 ოქტომბერს, კავკასიის საერთაშორისო უნივერსიტეტის (CIU) მედიცინის ფაკულტეტისა და სტუდენტური თვითმმართველობის ორგანიზებით, „ვარდისფერი ოქტომბრის“ კამპანიის ფარგლებში, თემაზე – „მოდით ვისაუბროთ ძუძუს კიბოზე“ საჯარო შეხვედრა გაიმართა.

CIU-ს მიერ 21 ოქტომბერს გამოქვეყნებული ინფორმაციით, შეხვედრის მიზანი ძუძუს კიბოს პრევენციისა და ადრეული დიაგნოსტიკის მნიშვნელობაზე ცნობიერების ამაღლება იყო.

მოწვეულმა სპეციალისტმა, ონკოლოგმა ელენე ჯანბერიძემ ისაუბრა დაავადების ნიშნებზე, რისკ-ფაქტორებზე, პრევენციულ ნაბიჯებზე და სტუდენტების შეკითხვებსაც უპასუხა.

CIU აგრძელებს მსგავსი ტიპის საინფორმაციო ღონისძიებებს, რომელთა მიზანი სტუდენტებსა და ფართო საზოგადოებაში ჯანსაღი ცხოვრების წესისა და დაავადებათა პრევენციის კულტურის პოპულარიზაციაა.

გახსოვდეთ: ძუძუს კიბოს ადრეული აღმოჩენა მნიშვნელოვნად ზრდის სრული განკურნების შანსს. რეგულარული თვითგამოკვლევა და პროფილაქტიკური ტესტირება – თქვენი ჯანმრთელობის საუკეთესო დაცვაა!

უნივერსიტეტის სხვა ამბები