ცვლილება შევიდა საგანმანათლებლო პროგრამების კრედიტებით გაანგარიშების წესში – ბრძანება

„უმაღლესი საგანმანათლებლო პროგრამების კრედიტებით გაანგარიშების წესის დამტკიცების შესახებ“ ბრძანებაში ცვლილება შევიდა და ერთ-ერთი ჩანაწერი ახლებურად ჩამოხალიბდა.

რა უნდა იცოდეს სტუდენტმა და უმაღლესმა საგანმანათლებლო დაწესებულებამ დასკვნითი შეფასების თაობაზე:.

“შეფასების თითოეულ კომპონენტში განსაზღვრული უნდა იყოს მინიმალური კომპეტენციის ზღვარი. დასკვნითი შეფასების მინიმალური კომპეტენციის ზღვრის ხვედრითი წილი არ უნდა აღემატებოდეს დასკვნითი შეფასების 60%-ს.

“შესაბამისი სფეროს უმაღლესი განათლების დარგობრივი მახასიათებლით განსაზღვრულ შემთხვევებში, დასკვნითი შეფასების მინიმალური კომპეტენციის ზღვრის ხვედრითი წილი შესაძლებელია აღემატებოდეს დასკვნითი შეფასების 60%-ს“, – აღნიშნულია განათლების, მეცნიერებისა და ახალგაზრდობის საქმეთა მინისტრის, ალექსანდრე წულაძის მიერ ხელმოწერილ ბრძანებაში, რომელიც 17 თებერვლიდან ამოქმედდა.