დისტანციურ სწავლებაზე გადასული მორიგი სკოლა და კლასები ბათუმში
კორონავირუსის შემთხვევების გამო ბათუმში კიდევ ერთი სასწავლო დაწესებულება დროებით დაიხურა. 23 აპრილის მონაცემებით, სწავლების დისტანციურ რეჟიმზე გადავიდა ”მეგასკოლა”.
ბათუმის რესურსცენტრის უფროსის განცხადებით, ვირუსი დაუდასტურდათ პედაგოგს, კურატორსა და მოსწავლეს. ამიტომ, ეპიდემიოლოგების რეკომენდაციით, მომდევნო დღეების განმავლობაში სწავლა დისტანციურ რეჟიმში გაგრძელდება.
ასევე კოვიდის გამო დღეს ორი კლასი გადავიდა ონლაინსწავლებაზე. ბათუმის №1 საჯარო და №20 სკოლაში კორონავირუსი კლასის დამრიგებლებს დაუდასტურდათ.
ამ ეტაპისთვის ბათუმში დისტანციურად სწავლობს 29 კლასი. რაც შეეხება სკოლებს სულ სამი სკოლაა დახურული, მათგან ორი – №2 და №28 სკოლები საკლასო ოთახებში სწავლას ორშაბათიდან განაახლებენ.
წყარო: აჭარის საზოგადოებრივი მაუწყებელი
- შენარჩუნდება თუ არა ახალი სასწავლო წლიდან სკოლებში დისტანციური დასწრების არჩევის შესაძლებლობა? პასუხი ცნობილია by ARIS.GE-განათლება
- კორონავირუსის დადასტურების შემთხვევაში, აპლიკანტი გამოცდაზე 7 დღის განმავლობაში ვერ გავა by სიახლეები მისაღებ გამოცდებზე
- რა შემთხვევაში აიცრებიან მეორე ბუსტერდოზით 12-17 წლის ასაკის პირები – მინისტრის ბრძანება by EDUVID-19