ეროვნული თავდაცვის აკადემიისა და აშშ-ის ეროვნული თავდაცვის უნივერსიტეტის ორგანიზებით უწყებათაშორისი სწავლება გაიმართა
მიმდინარე წლის 20-23 აგვისტოს ქალაქ ბათუმში, საქართველოს თავდაცვის ძალების ეროვნული გვარდიის ბაზაზე, სსიპ – დავით აღმაშენებლის სახელობის საქართველოს ეროვნული თავდაცვის აკადემიის სამეთაურო-საშტაბო კოლეჯის და აშშ-ის ეროვნული თავდაცვის უნივერსიტეტის (NDU) საერთაშორისო უსაფრთხოების საქმეთა კოლეჯის (CISA) ორგანიზებით, გაიმართა უწყებათაშორისი სწავლება თემაზე: „საქართველო და არარეგულარული ომის წარმოების გამოწვევები: სტრატეგიული ფორმატი ანალიზისა და ქმედებისათვის“.
აღნიშნული კურსი აკადემიის რექტორმა, ბრიგადის გენერალმა მალხაზ მაკარაძემ გახსნა და მოწვეულ სტუმრებსა და დამსწრე საზოგადოებას მისასალმებელი სიტყვით მიმართა.
სემინარს უძღვებოდნენ აშშ-დან მოწვეული ასოცირებული პროფესორები და ილიას უნივერსიტეტის მოწვეული პროფესორი, საქართველოს თავდაცვის ძალების ეროვნული გვარდიის G-2 სამსახურის უფროსი, ვიცე-პოლკოვნიკი თორნიკე ასათიანი.
კურსს სამეთაურო-საშტაბო კოლეჯის ხელმძღვანელობასა და ინსტრუქტორებთან ერთად ასევე ესწრებოდნენ, საქართველოს შინაგან საქმეთა სამინისტროს და სახელმწიფო უსაფრთხოების სამსახურის წარმომადგენლები, რითაც კიდევ ერთი მნიშვნელოვანი ნაბიჯი გადაიდგა უწყებათაშორისი თანამშრომლობის გაღრმავებისაკენ.
- ეროვნული თავდაცვის აკადემიაში 2023 წლის შემაჯამებელი შეხვედრა გაიმართა by ეროვნული თავდაცვის აკადემია
- ეროვნული თავდაცვის აკადემიაში საახალწლო ნაძვის ხის ანთების საზეიმო ღონისძიება გაიმართა by ეროვნული თავდაცვის აკადემია
- ეროვნული თავდაცვის აკადემიაში დისტანციური კურსი „ტრენერთა ტრენინგი“ განხორციელდა by ეროვნული თავდაცვის აკადემია