გალის რაიონის სკოლებში ქართულ ენაზე სწავლება მთლიანად აიკრძალა
ოკუპირებული აფხაზეთის დე-ფაქტო განათლების სამინისტროს გადაწყვეტილებით გალის რაიონის სკოლებში ქართულ ენაზე სწავლება აიკრძალა.
ამის შესახებ ინფორმაცია ახალგაზრდულმა გაერთიანებამ „ჩვენ ვარსებობთ – ხმა აფხაზეთიდან“ 13 სექტემბერს გაავრცელა.
როგორც ორგანიზაციაში აცხადებენ, ეს შედეგია იმ პროცესის, რაც გალის სკოლებში წლების განმავლობაში ხორციელდებოდა. კერძოდ, ქართული ენის რუსულით ჩანაცვლება სკოლებში წლების განმავლობაში მიმდინარეობდა, ხოლო მე – 11 კლასი იყო ერთადერთი, სადაც მოსწავლეები ქართულად სწავლობდნენ.
„დე-ფაქტო მთავრობის გადაწყვეტილებით, ქართული ენა და ლიტერატურა, დღეიდან გალის რაიონის ყველა სკოლაში, უცხო ენად იქნება წარმოდგენილი. შესაბამისი ინფორმაცია, სკოლის დირექტორებს, 12 სექტემბერს, საგანგებო თათბირზე გააცნეს“, – განაცხადეს ახალგაზრდულ გაერთიანებაში.
ასევე იხილეთ:
„სამ წელში გალის რაიონში ქართული სკოლა კი არა, კლასიც აღარ იარსებებს!“
- განათლების მინისტრის ბრძანების გაბათილებას ირაკლი კობახიძისგან საჩივრით ითხოვენ – დირექტორთა კონკურსი by ARIS.GE-განათლება
- განათლების სამინისტროში ახალი დეპარტამენტი შეიქმნა – კომპეტენციები დებულების თანახმად by ARIS.GE-განათლება
- როგორ ნაწილდება ხელფასები თანამდებობების მიხედვით განათლების, მეცნიერებისა და ახალგაზრდობის სამინისტროში 2024 წელს – დოკუმენტი by ARIS.GE-განათლება