განათლების კომიტეტის წევრი მიჩნევს, რომ 2 უნივერსიტეტის გაერთიანებით ყველაზე მოგებული სტუდენტები იქნებიან – განმარტება

საქართველოს განათლების, მეცნიერებისა და ახალგაზრდულ საქმეთა კომიტეტის წევრი, ნინო წილოსანი მიიჩნევს, რომ თბილისის სახელმწიფო უნივერსიტეტისა და ტექნიკური უნივერსიტეტების გაერთიანება ყველაზე მეტად სტუდენტებს გაახარებთ, რადგან ისინი საამაყო თსუ-ის დიპლომს მიირებენ.

„მე ვფიქრობ, ეს არის ინიციატივა, რომელსაც არ გააჩნია უარყოფითი მხარეები. ამ ინიციატივით ყველაზე მოგებული და გახარებული, ალბათ, თავად სტუდენტები აღმოჩნდებიან, იმიტომ, რომ ეს არის ორი მნიშვნელოვანი უნივერსიტეტის გაერთიანება, სადაც ერთ-ერთი ყველაზე ძალიან საამაყო, ივანე ჯავახიშვილის სახელმწიფო უნივერსიტეტის სახელით დაასრულებენ და მიიღებენ დიპლომებს სტუდენტები.

ვფიქრობ, რა თქმა უნდა, ეს უნდა იყოს ასევე, ლექტორებისთვისაც და იქ აკადემიური წრისთვის ძალიან მნიშვნელოვანი გაერთიანება, რადგან ივანე ჯავახიშვილის სახელმწიფო უნივერსიტეტის სახელი, ალბათ, ყველასთვის საამაყოა. ეს ყველაფერი იმის გათვალისწინებით, რომ არც ერთი უნივერსიტეტი, ამ გაერთიანების შედეგად, არ დაკარგავს საკუთარ თავს. ტექნიკური მიმართულება იქნება თსუ-ს ერთ-ერთი საკვანძო კომპონენტი და რა თქმა უნდა, ყველა ის კარგი ტრადიცია, რომელიც ამ უნივერსიტეტს ჰქონდა ასწლეულის მანძილზე, იქნება სრულად გადმოღებული“, – განაცხადა ნინო წილოსანმა.

ასევე იხილეთ:

3 286 ხელმოწერა – რას მოითხოვენ ტექნიკური უნივერსიტეტის სტუდენტები, მკვლევრები, პროფესორები და კურსდამთავრებულები

„გვიშუამდგომლეთ რეფორმის შემმუშავებელ კომისიასთან“ – ბიძინა ივანიშვილს სტუ-ის აკადემიური და სამეცნიერო საზოგადოება მიმართავს

წყარო: ipn