განათლებისა და მეცნიერების სამინისტროს ახალი სახელი ძალაში იანვრიდან შევა
![](https://edu.aris.ge/news/wp-content/uploads/2023/11/parlamenti1-458x257.jpg)
პარლამენტმა „მთავრობის სტრუქტურის, უფლებამოსილებისა და საქმიანობის წესის შესახებ“ კანონში ცვლილება, რომლითაც იცვლება განათლებისა და მეცნიერების სამინისტროს და კულტურის, სპორტისა და ახალგაზრდობის სამინისტროს სახელწოდებები პირველი მოსმენით, 80 ხმით მიიღო.
კანონპროექტი დაჩქარებული წესით განიხილება და მისი საბოლოო დამტკიცება დღეს, 30 ნოემბერს არის დაგეგმილი.
კანონპროექტით იცვლება განათლებისა და მეცნიერების სამინისტროს და კულტურის, სპორტისა და ახალგაზრდობის სამინისტროს სახელწოდებები და აღნიშნული სამინისტროების სახელწოდებები განისაზღვრება – „კულტურისა და სპორტის სამინისტრო“ და „განათლების, მეცნიერებისა და ახალგაზრდობის სამინისტრო“.
გარდა ამისა, სახელი შეეცვლება პარლამენტის განათლებისა და მეცნიერების კომიტეტსაც და მას ახალგაზრდობა დაემატება.
მთავრობის საპარლამენტო მდივნის, ვახტანგ ბაჩიაშვილის განცხადებით, ცვლილება უკავშირდება განათლებისა და მეცნიერების სამინისტროში მიმდინარე რეფორმებს და ახალგაზრდობის მიმართულებით კულტურის, სპორტისა და ახალგაზრდობის სამინისტროს ფუნქციები და უფლებამოსილებები გადაეცემა განათლებისა და მეცნიერების სამინისტროს და საჯარო სამართლის იურიდიული პირის − ახალგაზრდობის სააგენტოს სახელმწიფო მაკონტროლებელ ორგანოდ განისაზღვრება განათლების, მეცნიერებისა და ახალგაზრდობის სამინისტრო.
ცვლილება ძალაში შევა 2024 წლის 1-ელი იანვრიდან.
ამავე თემაზე:
-
აბიტურიენტი: „გამოცდაზე დარიგებული რუკების წამოღება და ჩემი სკოლისთვის ჩუქება მომინდა“ by სიახლეები მისაღებ გამოცდებზე
-
„ბევრი პედაგოგი სკოლიდან წასვლაზე დაფიქრდება“ – ორად გაყოფილი პოზიცია გორის საგამოცდო ცენტრიდან და პროგნოზები სახელფასო პოლიტიკაზე by ARIS.GE-განათლება
-
2024 წლის აბიტურიენტის ცნობარში ცვლილებები შევიდა by სიახლეები მისაღებ გამოცდებზე