გორის სახელმწიფო უნივერსიტეტის სამაგისტრო პროგრამებზე მიღების ვადები და საჭირო საბუთების სია

გორის სახელმწიფო უნივერსიტეტი 2025-2026 სასწავლო წლის შემოდგომის სემესტრისთვის სამაგისტრო საგანმანათლებლო პროგრამებზე მიღებას აცხადებს.

ეს პროგრამებია:

• ბიზნესის ადმინისტრირება;
• სამართალი;
• სასტუმრო მენეჯმენტი;
• საჯარო მმართველობა.
• საქართველოს ისტორია;
• ქართული სალიტერატურო ენა;
• ქართული ლიტერატურა;
• ანგლისტიკა.

მაგისტრანტობის კანდიდატთა რეგისტრაცია/საბუთების მიღება 20 აგვისტოს დაიწყო და 24 სექტემბრის ჩათვლით გაგრძელდება.

მაგისტრანტობის კანდიდატის მიერ წარსადგენი საბუთების ნუსხა:

1. განცხადება რექტორის სახელზე (ივსება ადგილზე);
2. დიპლომის ასლი (დედნის წარმოდგენით) ან ცნობა აკადემიური ხარისხის/ კვალიფიკაციის მინიჭების თაობაზე;
3. პირადობის დამადასტურებელი მოწმობის (პასპორტის) ასლი;
4. ორი ფოტოსურათი (3X4) და ფოტოსურათის ელექტრონული ვერსია CD-ზე;
5. ვაჟებისათვის სამხედრო აღრიცხვაზე ყოფნის დამადასტურებელი დოკუმენტის ან სამხედრო ბილეთის (ასეთის არსებობის შემთხვევაში) ასლი;
6. უცხო ქვეყანაში მიღებული განათლების აღიარების დამადასტურებელი დოკუმენტის ასლი (ასეთის არსებობის შემთხვევაში).

მაგისტრატურაში მიღების ვადები:

• გამოცდა ინგლისურ ენაში (გარდა ანგლისტიკის სამაგისტრო საგანმანათლებლო პროგრამის) – 25 სექტემბერი;
• ინგლისური ენის გამოცდის შედეგების გამოცხადება – 26 სექტემბერი;
• ინგლისური ენის გამოცდის შედეგების გასაჩივრება – 26 სექტემბერი;
• ინგლისური ენის გამოცდის აპელაციის შედეგების გამოცხადება – 29 სექტემბერი;
• გამოცდა სპეციალობაში – 29 სექტემბერი;
• სპეციალობის გამოცდის შედეგების გამოცხადება – 30 სექტემბერი;
• სპეციალობის გამოცდის შედეგების გასაჩივრება – 30 სექტემბერი;
• სპეციალობის გამოცდის აპელაციის შედეგების გამოცხადება – 01 ოქტომბერი;
• ხელშეკრულებების გაფორმება მაგისტრანტობის კანდიდატებთან – 01 ოქტომბერი – 02 ოქტომბერი;
• ჩარიცხვის ბრძანების პროექტის მომზადება – 03 ოქტომბერი.

მისაღები საგამოცდო საგნები, მისაღები გამოცდების ჩატარების დრო და ადგილი სამაგისტრო საგანმანათლებლო პროგრამების მიხედვით იხილეთ ბმულზე

უნივერსიტეტის სხვა ამბები