გორის სახელმწიფო უნივერსიტეტის სტუდენტების მონაწილეობით, ახალგაზრდა პოეტთა შემოქმედებითი საღამო გაიმართა

27 ოქტომბერს, გორის სახელმწიფო უნივერსიტეტის ბიბლიოთეკის ორგანიზებით, ახალგაზრდა პოეტთა შემოქმედებითი საღამო გაიმართა.

უნივერსიტეტის მიერ გამოქვეყნებული ინფორმაციით, შემოქმედებით საღამოში გორის სახელმწიფო უნივერსიტეტის სტუდენტები – გიორგი მირაზანაშვილი, თორნიკე ჩხიკვაძე, გელა სადაღაშვილი და ლუკა აბრამიშვილი მონაწილეობდნენ. ღონისძიებაში ასევე მონაწილეობდა ცნობილი გორელი ხელოვანი დავით დარბაიძე.

სტუდენტებმა და მოწვეულმა სტუმარმა საკუთარი შემოქმედება წარმოადგინეს. ღონისძიებას მოჰყვა დისკუსია, რომლის ფარგლებშიც, დამსწრე საზოგადოებას შესაძლებლობა ჰქონდა, მონაწილეებისთვის კითხვები დაესვა და შეხედულებები გაეცვალა.

საღამო მუსიკალურად ბიზნესის ადმინისტრირების საბაკალავრო პროგრამის მეოთხე კურსის სტუდენტმა, ლუკა აბრამიშვილმა გააფორმა.

ღონისძიება სტუდენტური შემოქმედების მხარდაჭერას ემსახურებოდა.

უნივერსიტეტის სხვა ამბები