გორის სახელმწიფო უნივერსიტეტმა ღვაწლმოსილი პედაგოგების დააჯილდოების ცერემონიას უმასპინძლა

19 სექტემბერს, გორის სახელმწიფო უნივერსიტეტმა ღვაწლმოსილი პედაგოგების დააჯილდოების ცერემონიას უმასპინძლა. საქართველოს მთავრობის გადაწყვეტილებით დაწესებულ მასწავლებლის ეროვნულ დღესთან დაკავშირებით, გორის მუნიციპალიტეტის მასშტაბით ღვაწლმოსილი და წარმატებული პედაგოგები დაჯილდოვდნენ.

გორის სახელმწიფო უნივერსიტეტის მიერ 22 სექტემბერს გამოქვეყნებული ინფორმაციით, გორის მუნიციპალიტეტიდან აღნიშნულ ჯილდოზე 23 პედაგოგია წარდგენილი.

შეხვედრაზე სიტყვით საქართველოს განათლების, მეცნიერებისა და ახალგაზრდობის მინისტრი გივი მიქანაძე, საქართველოს პარლამენტის წევრი, აკადემიკოსი გიორგი სოსიაშვილი, გორის მერის მოვალეობის შემსრულებელი კოტე ბუზალაძე, გორის სახელმწიფო უნივერსიტეტის რექტორი, პროფესორი ალექსანდრე მღებრიშვილი, გორის საგანმანათლებლო რესურსცენტრის ხელმძღვანელი გიორგი ბერძნიშვილი გამოვიდნენ.

ღონისძიებას მუსიკალურად ანსამბლი „გორი“ აფორმებდა.

აღსანიშნავია, რომ გასულ წლებში ეროვნული პრემია სსიპ ერედვის მუნიციპალიტეტის ერგნეთ-მამისაანთუბნის საჯარო სკოლის პედაგოგ მედეია ტრამაკიძეს, სსიპ ქალაქ გორის N8 საჯარო სკოლის მენტორ-მასწავლებელ ვერა სომხიშვილს და სსიპ ქალაქ გორის N5 საჯარო სკოლის მენტორ-მასწავლებელ ნანა წიწუაშვილს გადაეცათ.

მადლობა ჩვენს მასწავლებლებს განათლებაში შეტანილი განსაკუთრებული წვლილისთვის.

უნივერსიტეტის სხვა ამბები