გორის სახელმწიფო უნივერსიტეტში, დასაქმების ხელშეწყობის სააგენტოს წარმომადგენლები სტუდენტებს შეხვდნენ

29 ოქტომბერს, გორის სახელმწიფო უნივერსიტეტში, სსიპ დასაქმების ხელშეწყობის სახელმწიფო სააგენტოს შიდა ქართლის რეგიონულმა წარმომადგენლებმა სტუდენტებთან საინფორმაციო შეხვედრა გამართეს.

უნივერსიტეტის მიერ გამოქვეყნებული ინფორმაციით, სააგენტოს წარმომადგენლებმა ახალგაზრდებს გააცნეს დასაქმების ხელშეწყობის სახელმწიფო სააგენტოს სერვისები და პროგრამები, რომლებიც მიზნად სტუდენტებისა და კურსდამთავრებულების პროფესიული განვითარების ხელშეწყობას ისახავს.

სტუდენტებს შესაძლებლობა ჰქონდათ, ადგილზე გაევლოთ რეგისტრაცია შრომის ბაზრის მართვის საინფორმაციო სისტემაში და მიეღოთ ინდივიდუალური კონსულტაციები კარიერის დაგეგმვის მიმართულებით.

შეხვედრას უძღვებოდნენ: სოფიო ჯიქური – შიდა ქართლის რეგიონული სერვის ცენტრის ხელმძღვანელი; თამუნა ბიგანიშვილი – კარიერის დაგეგმვის კონსულტანტი; მარიამ ტლაშაძე – დამსაქმებლებთან ურთიერთობის კოორდინატორი.

უნივერსიტეტის სხვა ამბები