კორონავირუსის მომატებული შემთხვევები ქუთაისის საჯარო სკოლებსა და ბაგა-ბაღებში – სტატისტიკა

ქუთაისის ბაგა-ბაღების გაერთიანების ხელმძღვანელის დავით წიტაიშვილის ინფორმაციით, სკოლამდელი აღზრდის დაწესებულებებში COVID-19-ის გავრცელების მაღალი შემთხვევების გამო, ამ ეტაპზე სააღმზრდელო პროცესი შეჩერებულია ქუთაისის 15 ბაგა-ბაღში.

როგორც მან EDU.ARIS.GE-ს 18 ოქტომბერს განუცხადა, სწავლების სრულ დისტანციურ რეჟიმზეა გადასული ქუთაისის ორი საჯარო სკოლა, რომელთა რიცხვი შესაძლოა, გაიზარდოს.

,,სრულ დისტანციურ რეჟიმზე გადავიყვანეთ ქუთაისის 22-ე და 28-ე საჯარო სკოლები. ველოდებით ჯანდაცვის რეკომენდაციას, შესაძლოა, ონლაინ რეჟიმზე კიდევ რამდენიმე სკოლის გადაყვანა გახდეს საჭირო. რაც შეეხება ცალკეულ კლასებს, სხვადასხვა სკოლის 90 კლასი უკვე ონლაინ რეჟიმით სწავლობს”, – განაცხადა ქუთაისის რესურსცენტრის ხელმძღვანელმა მაია ცქიტიშვილმა.

ასევე იხილეთ:

„დაუდექით თქვენს შვილებს გვერდით, რომ არ შეწყდეს სკოლებში სწავლა“ – ეკატერინე დგებუაძე მშობლებს

მოამზადა ჟუკა ბანძელაძემ