ლია გიგაური ქეთევან ციხელაშვილის მოადგილედ დაინიშნა

შერიგებისა და სამოქალაქო თანასწორობის საკითხებში საქართველოს სახელმწიფო მინისტრის მოადგილის პოსტს ლია გიგაური დაიკავებს. როგორც ქეთევან ციხელაშვილის უწყების მიერ გავრცელებულ განცხადებაში ვკითხულობთ, იგი სამოქალაქო თანასწორობის მიმართულებებზე იმუშავებს.

როგორც ცნობილია, ლია გიგაური 2013-დან 2018 წლამდე საქართველოს განათლების, მეცნიერების, კულტურისა და სპორტის მინისტრის მოადგილე იყო. მანამდე კი საქართველოს განათლებისა და მეცნიერების სამინისტროს ზოგადი განათლების მართვისა და განვითარების დეპარტამენტის უფროსი. გიგაური, განათლების, მეცნიერების, კულტურისა და სპორტის მინისტრმა მიხეილ ბატიაშვილმა, თანამდებობიდან 10 სექტემბერს გაათავისუფლა.