მასწავლებელთა საგნის გამოცდები ზამთარში შეიძლება არ ჩავატაროთ – ალექსანდრე ჯეჯელავა
განათლებისა და მეცნიერების მინისტრ ალექსანდრე ჯეჯელავას განცხადებით, შესაძლოა, ზამთარში მასწავლებელთა სასერტიფიკაციო გამოცდებია ღარ ჩატარდეს.
ამის შესახებ მან EDU.ARISGE-ს განუცხადა. ჩვენ დავინტერესდით, რამდენად სავარაუდოა ზამთრის პედაგოგთა საგნობრივი გამოცდები აღარ ჩატარდეს იმის გათვალისწინებით, რომ დაგეგმილი ცვლილების თანახმად, საგნის გამოცდას ბარიერი მოეხსნება და პრაქტიკოს მასწავლებელს უფროსი მასწავლებლის სტატუსის მოპოვების შესაძლებლობა სხვა აქტივობებით ექნება.
„საბოლოოდ რომ გადავწყვეტთ, ვიტყვით. შეიძლება გამოცდები ზამთარში არ ჩავატაროთ. მასწავლებელთა საგნის გამოცდები იქნება, უბრალოდ ბარიერი არ ექნება. როგორი სქემით იქნება გამოცდები, მაგასაც მოგახსენებთ, როცა პრეზენტაცია იქნება,“– განმარტა მინისტრმა.
მისივე ინფორმაციით, მასწავლებელთა პროფესიული განვითარებისა და კარიერული წინსვლის განახლებული სქემის პრეზენტაცია ნოემბრის თვეში გაიმართება.
„ახლა ვამთავრებთ მუშაობას, პრინციპში, მგონია, რომ მალე, ნოემბერში იქნება პრეზენტაცია. ძირითადი პარამეტრები უკვე გვაქვს, სრული სქემა კი ნოემბერში გვექნება.“
როგორც ცნობილია, დღემდე, მასწავლებლის კვალიფიკაციის ამაღლებას, ასევე პროფესიაში შესვლას 2015 წლიდან ამოქმედებული მასწავლებლის საქმიანობის დაწყების, პროფესიული განვითარებისა და კარიერული წინსვლის სქემა განსაზღვრავს. სქემის მიხედვით, მოქმედი პედაგოგი, რომელიც 3 წლის მანძილზე ვერ დაადასტურებს საკუთარ კომპეტენციას, სკოლას დატოვებს, მის ადგილზე კი ვაკანსია გამოცხადდება. განათლების მინისტრ ალექსანდრე ჯეჯელავას განცხადებით, გამოცდის ჩაუბარებლობა აღარ იქნება პედაგოგის მიერ სკოლის დატოვების საფუძველი და ერთის მხრივ, სწორედ ამას ემსახურება სქემაში დაგეგმილი ცვლილებებიც.
ქეთი არის© გიგოლაშვილი
- „ეს არის სკოლის მიმართ წაყენებული უმთავრესი დაკვეთა“ – რა წერია ზგემის საბოლოო დოკუმენტში by ARIS.GE-განათლება
- როგორ და რა პრინციპით შემოწმდება აჭარაში განათლების სამინისტროზე დაქვემდებარებული უწყებები – მინისტრის ბრძანება by ARIS.GE-განათლება
- დამამთავრებელი კურსის სტუდენტი მასწავლებლად – რა გამოსავალი განიხილება აჭარაში პედაგოგთა დეფიციტის შესავსებად by ARIS.GE-განათლება