მე-12 კლასში გამოსაშვები გამოცდები 2020 წელს გაუქმდება – როგორი იქნება ატესტატის გაცემის პრინციპი

2020 წლისთვის მე-12 კლასში გამოსაშვები გამოცდები გაუქმდება, წელს კი “კატის” გამოცდები უქმდება მე-11 კლასის მოსწავლეებისთვის და ისინი გამოცდებს აღარ ჩააბარებენ – ეს სიახლე შეფასებისა და გამოცდების ეროვნული ცენტრის ხელმძღვანელმა, სოფო გორგოძემ განათლების რეფორმის პრეზენტაციაზე გააჟღერა.

“2020 წლისთვის სრულად გაუქმდება გამოსაშვები გამოცდები მე-12 კლასისთვის და მოსწავლეები ატესტატს სკოლაში აკადემიური მოსწრების საფუძველზე მოხდება”, – აღნიშნა სოფო გორგოძემ.

მისი თქმით, სკოლასთან შეფასებისა და გამოცდების ეროვნულ ცენტრს ექნება ურთიერთობა და ნებისმიერ საკითხზე დახმარებას საჭიროებისამებრ გაუწევს, მათ შორის კონსულტაციების სახით.

2018-2019 სასწავლო წელს კი მე-12 კლასის გამოსაშვები გამოცდა ჩატარდება არსებული ფორმატით და მასზე გავლენ ის მოსწავლეები, რომლებმაც გასულ წელს დაიწყეს საგამოცდო ციკლი და მე-11 კლასში ჩააბარეს “კატის” გამოცდა 4 საგანში ან რომელიმე საგანში ვერ გადალახეს მინიმალური ზღვარი.

რა წერია საპრეზენტაციო დოკუმენტში, 2019 წლის ეტაპი:

• მე-12 კლასში გამოცდები ჩატარდება არსებული ფორმატით და ამ ეტაპზე არ შეიცვლება ატესტატის გაცემის წესი;
• იმ პირებს, რომლებმაც წინა წლებში ვერ გადალახეს ბარიერი, თუნდაც ერთ საგანში, და ვერ აიღეს ატესტატი უფლება აქვთ დარეგისტრირდნენ შესაბამის გამოცდაზე.
• ერთიანი ეროვნული გამოცდების ფორმატში ცვლილებები არ იგეგმება;
• შეიცვლება წესი, რომლის მიხედვითაც არჩევით საგანში ჩაჭრის ან ამ გამოცდაზე არ გამოცხადების შემთხვევაში აბიტურიენტი კარგავდა გრანტის მიღების შესაძლებლობას.

2019 წელს მე–11 კლასის სკოლის გამოსაშვები გამოცდები მოიხსნება – სოფო გორგოძე

მოამზადა თამთა ვირსალაძემ