მე–12 კლასის დამამთავრებელი გამოცდები წელსვე გაუქმდა მე–11–სთან ერთად – მამუკა ბახტაძე

საქართველოს პრემიერ–მინისტრმა მამუკა ბახტაძემ სპეციალურად გამართულ ბრიფინგზე განაცხადა რომ მე–12 კლასის გამოცდებიც, როგორც მე–11 კლასში წელსვე მოიხსნება.

“მოგეხსენებათ, რომ განათლების სამინისტრომ გამოაცხადა ცვლილებები სკოლის საატესტატო გამოცდებთან დაკავშირებით. მინდა კარგად ავხსნა თუ რა არის რეფორმის ამ ნაწილის მთავარი ფოკუსი. ეს არის სკოლის გაძლიერებისკენ მიმართული. ჩვენ გვჭირდება ძლიერი და დამოუკიდებელი სკოლა, რომელიც ორიენტირებული იქნება განათლების მიღებაზე და არა იმაზე, რომ გამოცდებისთვის მოვამზადოთ ჩვენი მომავალი თაობა. შესაბამისად, ჩვენი მიზანია სკოლა და მისი ფუნდამენტი გავაძლიეროთ.

“ამასთან ერთად, განათლების სამინისტრომ მიიღო გადაწყვეტილება საატესტატო გამოცდების მოხსნასთან დაკავშირებით -2019 წელს, რომელიც შეეხება მე-11 კლასელებს, ხოლო 2020 წელს მე-11 და მე-12 კლასებს. ეს იყო პრინციპულად სწორი მიდგომა, თუმცა, ბუნებრივია, ჩვენ გავაგრძელეთ ამ საკითხთან დაკავშირებით კონსულტაციები და, შესაბამისად, მივიღე გადაწყვეტილება რომ სკოლის დამამთავრებელი გამოცდები წელსვე მოეხსნათ როგორც მე-11, ისე მე-12 კლასის მოსწავლეებს”, – განაცხადა პრემიერმა და დასძინა, რომ 2019  წლის აბიტურიენტები წელს უმაღლეს სასწავლებლებში ჩასარიცხად ისევ ჩააბარებენ ეროვნულ გამოცდებს.

ჩააბარებენ თუ არა მე–11 და მე–12 კლასის მოსწავლეები წელს შიდა სასკოლო გამოცდებს და რა ელით გასულ წლებში ჩაჭრილებს?

ბატიაშვილის რეფორმა– სიახლეები