პარლამენტი განათლების სამინისტროს განმეორებით ავალებს, სახელმწიფო უწყებებს წვდომა ჰქონდეთ უმაღლესი და პროფესიული განათლების მართვის საინფორმაციო სისტემებზე

საქართველოს პარლამენტი განათლების, მეცნიერებისა და ახალგაზრდობის სამინისტროს განმეორებით ავალებს, უმაღლესი და პროფესიული განათლების მართვის საინფორმაციო სისტემების სახელმწიფო უწყებებისთვის ხელმისაწვდომობა უზრუნველყოს.

საკანონმდებლო ორგანოს მიერ მიღებული კანონების გარდამავალი დებულებების შესაბამისი სამუშაოები 2026 წლის 1-ელ სექტემბრამდე უნდა შეესრულებინა, თუმცა საპროცედურო საკითხთა კომიტეტის ინფორმაციით, 24 სექტემბრის მდგომარეობით, შესრულებული არ არის.

უფრო კონკრეტულად, პარლამენტის იურიდიულ საკითხთა კომიტეტის დავალება ასეთი იყო:

1. საქართველოს კანონი „უმაღლესი განათლების შესახებ“ საქართველოს კანონში ცვლილების შეტანის თაობაზე

საქართველოს განათლების, მეცნიერებისა და ახალგაზრდობის სამინისტრომ 2026 წლის 1-ელ სექტემბრამდე უზრუნველყოს უმაღლესი განათლების მართვის საინფორმაციო სისტემის შესაბამისი სახელმწიფო უწყებებისთვის ხელმისაწვდომობა.

კომიტეტის 15 სექტემბრის ინფორმაციით, მიმდინარეობს მუშაობა შესაბამისი კანონქვემდებარე აქტის მომზადებისა და გამოცემის მიზნით.

რა წინაპირობები დაწესდება საქართველოს უნივერსიტეტებში უცხოელი სტუდენტების ჩარიცხვისთვის – ცვლილებები შსს-მ მოამზადა

2. საქართველოს კანონი „პროფესიული განათლების შესახებ“ საქართველოს კანონში ცვლილების შეტანის თაობაზე

საქართველოს განათლების, მეცნიერებისა და ახალგაზრდობის სამინისტრომ 2026 წლის 1-ელ სექტემბრამდე უზრუნველყოს პროფესიული განათლების მართვის საინფორმაციო სისტემის შესაბამისი სახელმწიფო უწყებებისთვის ხელმისაწვდომობა.

კომიტეტის 15 სექტემბრის ინფორმაციით, მიმდინარეობს მუშაობა შესაბამისი კანონქვემდებარე აქტის მომზადებისა და გამოცემის მიზნით.

განსაკუთრებით დაინტერესებულთათვის: დავალებები, რომელთა შესრულების ვადა გავიდა პარლამენტის მიმდინარე მოწვევაში და ჯერ არ შესრულებულა.

ასევე იხილეთ:

უცხოელი სტუდენტებისთვის ენობრივი ბარიერის ცენზი წესდება, სწავლისთვის აუცილებელი დოკუმენტების ნუსხას კი მთავრობა დაადგენს

რა პირობებით ჩაირიცხებიან საქართველოს უნივერსიტეტებში უცხოელები – განისაზღვრა სტუდენტის სტატუსის შეჩერებისა და შეწყვეტის მიზეზებიც