პედაგოგების მოწოდება პარლამენტს: „მოთხოვეთ ამილახვარს დანაპირების შესრულება!“
![](https://edu.aris.ge/news/wp-content/uploads/2023/12/directorsprotest-4-eduarisge-458x257.jpg)
საქართველოს პარლამენტში მთავრობის შემადგენლობისა და სამთავრობო პროგრამისთვის ნდობის გამოცხადების ფარგლებში, მინისტრობის კანდიდატებს უსმენენ. მათ შორის არის გიორგი ამილახვარი – განათლების, მეცნიერებისა და ახალგაზრდობის მინისტრობის კანდიდატი.
მოსმენების პარალელურად, გიორგი ამილახვართან დაკავშირებით, პარლამენტს კონკრეტული მოწოდებით მიმართეს საკანონმდებლო ორგანოსთან მისულმა სკოლის დირექტორობის კანდიდატებმა – მაია ეკალაძემ და დავით ფერაძემ.
მათი მოთხოვნა ხმის გამაძლიერებელი მოწყობილობის დახმარებით ადგილზე არაერთხელ გაჟღერდა და მისი შინაარსი ასეთია:
“მოთხოვეთ ამილახვარს დანაპირების შესრულება, რომ ჩაატაროს [დირექტორთა] არჩევნები სკოლაში დემოკრატიულად, ან გამოუცხადეთ უნდობლობა”.
ისინი მოუწოდებენ პარლამენტსა და განათლების კომიტეტს, რომ კატეგორიულად მოითხოვონ მინისტრისგან დანაპირების შესრულება მის მიერ საჯაროდ გაცხადებულ ვადებში.
ასევე იხილეთ:
-
განათლების ხარისხის განვითარების ეროვნული ცენტრის მართვაში ცვლილებები შევა – კანონპროექტი by ARIS.GE-განათლება
-
„აბიტურიენტებისგან იზრდება მოთხოვნა საინჟინრო მიმართულებებზე“ – NAEC-ის ხელმძღვანელი by ARIS.GE-განათლება
-
„ამ ფორმულით დაწყებითების მასწავლებლები განსაკუთრებით დაზარალდნენ…“ – წამყვანი მასწავლებლის დიალოგი განათლების სამინისტროსთან by ARIS.GE-განათლება