„პინოქიოს კვირეული ჩვენს კლასში“ – როგორ გავაცნოთ და შევაყვაროთ ზღაპრული გმირი მეორეკლასელებს

ავტორი: თამარ ვახტანგიშვილი, დაწყებითი კლასების უფროსი მასწავლებელი, დამრიგებელი

ჩემი მეორე კლასელები ამ კვირაში გაეცნენ ერთ-ერთ ყველაზე საყვარელ ზღაპრულ გმირს — პინოქიოს! ამასთან დაკავშირებით „პინოქიოს კვირეული” მოვაწყეთ. თითოეული დღისთვის სხვადასხვა აქტივობები დავგეგმე.

აქვე გიზიარებთ კვირის გეგმას (პ.ს. 3 ოქტომბერი დღე დასვენების დღედ გამოცხადდა პარასკევის აქტივობებს ორშაბათისთვის გადავდებ 😅🥰):

„პინოქიოს კვირეული“ — გაკვეთილის გეგმები (II კლასი)

ორშაბათი – აფიშის დამზადება
მიზანი: ბავშვებმა გაიგონ, რა არის აფიშა და საკუთარი ხელით შექმნან „პინოქიოს თავგადასავლის“ აფიშა.
მასალა: თაბახის ფურცლები, ფერადი ფანქრები/ფლომასტერები, წებო, მაკრატელი.

სვლა:
1. შესავალი – რა არის აფიშა? რატომ გვჭირდება?
2. იდეების მოფიქრება – რას დავწერთ და დავხატავთ?
3. მუშაობა ჯგუფებში – აფიშის შექმნა
4. წარდგენა და გამოფენა

შედეგი: გამოფენილი ფერადი აფიშები, რომლებიც მიუთითებენ კვირეულის დაწყებას.

სამშაბათი – ფილმის ყურება

მიზანი: ბავშვებმა ნახონ პინოქიოს თავგადასავალი და დააკვირდნენ პერსონაჟებს.
მასალა: „პინოქიო“ (მულტფილმი/ფილმი), პროექტორი ან ტელევიზორი.

სვლა:
1. შესავალი – რას ელოდებიან ფილმს?
2. ფილმის ყურება
3. მოკლე საუბარი: რომელი სცენა მოეწონათტ ყველაზე მეტად და რატომ?

შედეგი: ბავშვები ეცნობიან ნაწარმოებს, უკეთ იმახსოვრებენ პერსონაჟებს და მათ თვისებებს.

ოთხშაბათი – ტექსტზე მუშაობა ნაწარმოების ანალიზი

მიზანი: გაანალიზონ ტექსტის ფრაგმენტი და პერსონაჟების ქცევები.
მასალა: „პინოქიოს თავგადასავლის“ ფრაგმენტი, სამუშაო რვეულები, დაფა.

სვლა:
1. ტექსტის კითხვა
2. საუბარი – რას გვასწავლის ეს ნაწილი?
3. პერსონაჟის რუკა: დაფაზე ან ფურცელზე გამოხატვა, რა თვისებები აქვს პინოქიოს (მაგ: მხიარული, მერყევი, ჭკვიანი, ზოგჯერ ტყუილის მთხრობელი).
4. სამუშაო რვეულში მუშაობა.

შედეგი: ბავშვებს უყალიბდებათ ტექსტის ანალიზის უნარი.

ხუთშაბათი – წერილი პინოქიოს

მიზანი: წერილობითი უნარების განვითარება და ემოციური ჩართულობა.
მასალა: ფურცლები მეორე კლასის ბადით, კალმები/ფანქრები.

სვლა:
1. შესავალი – როგორ ვწერთ წერილს? ( წერილის გეგმა: მისალმება, ტექსტი, დასასრული).
2. იდეების გაზიარება: რას ეტყოდნენ პინოქიოს? რჩევა? მადლობა? მეგობრობა?
3. წერილის წერა ინდივიდუალურად
4. წერილის წარდგენა.

შედეგი: ბავშვები წერენ პატარა წერილს და სწავლობენ აზრების ფორმულირებას.

პარასკევი – პლასტელინის პინოქიო

მიზანი: შემოქმედებითად გამოხატონ ნასწავლი.
მასალა: ფერადი პლასტელინი, პატარა დეკორაციები (მძივები).

სვლა:

1. შესავალი – როგორ წარმოვიდგენთ პინოქიოს?
2. მოდელირება ინდივიდუალურად
3. გამოფენა: „პინოქიოს გამოფენა“
4. შეჯამება: რა გვასწავლა პინოქიოს ისტორიამ?

შედეგი: ბავშვები ამზადებენ საკუთარ პინოქიოს და აფასებენ მეგობრების ნამუშევრებს.