რა მონაცემები უნდა ასახოთ ელექტრონულ ჟურნალში, თუ მოსწავლე კერძო სკოლიდან გადმოვიდა – ინფორმაცია EMIS-ისგან

განათლების მართვის საინფორმაციო სისტემა (EMIS) დღეს, 1-ელ მაისს, საჯარო სკოლების ადმინისტრაციისთვის აქვეყნებს ინფორმაციას, თუ რა მონაცემები უნდა აისახოს ელექტრონულ ჟურნალში კერძო სკოლიდან გადმოსული მოსწავლის შემთხვევაში.

EMIS-ის ცნობით, კერძო სკოლიდან გადმოსული მოსწავლის მონაცემების ელექტრონულ ჟურნალში ასახვა სრული სიზუსტით და დადგენილი წესების დაცვით უნდა განხორციელდეს.

მიმღებმა სკოლამ სისტემაში უნდა ასახოს შემდეგი ტიპის შეფასებები:

• სემესტრული შეფასება;
• წლიური შეფასება;
• საფეხურებრივი შეფასება.

დამატებით, საგნების მიხედვით, სემესტრის ჭრილში შესაძლებელია კერძო სკოლიდან მიღებული მონაცემების გადმოტანა, მათ შორის:

• გადმოყოლილი საშუალო ქულა;
• ქულათა რაოდენობა;
• ჩატარებული გაკვეთილების რაოდენობა;
• გაცდენათა რაოდენობა.

აღნიშნული ინფორმაციის სწორად და სრულად ასახვა უზრუნველყოფს მოსწავლის აკადემიური შედეგების სიზუსტეს და ხელს უწყობს სასწავლო პროცესის ეფექტიან მართვას.

ასევე იხილეთ:

თუ თქვენი მოსწავლე მედალოსანია, ეს უნდა იცოდეთ – ინფორმაცია EMIS-სგან

როგორ ატვირთოს დირექტორმა დარღვევების ოქმზე რეაგირების დოკუმენტი ელექტრონულ ჟურნალში – ვიდეოინსტრუქცია