როგორ გავაფორმოთ საკლასო ოთახი ახალი სასწავლო წლისთვის – იდეები დამრიგებლებს

2026-2027 სასწავლო წელი საქართველოს ზოგადსაგანმანათლებლო დაწესებულებებისთვის რამდენიმე დღეში დაიწყება. განათლების სპეციალისტი, თბილისის 45-ე საჯარო სკოლის სამოქალაქო განათლების მასწავლებელი ანა კვიჟინაძე დამრიგებლებს ახალი სასწავლო წლისთვის საკლასო ოთახის გაფორმების რამდენიმე კრეატიულ იდეას აწვდის.

როგორ გააფორმოთ საკლასო ოთახი? – პირველ რიგში, მნიშვნელოვანია:

შეარჩიოთ მშვიდი და სასიამოვნო ფერები, რომ ოთახი მოსახერხებელი და სასიამოვნო გახდეს;

განათავსეთ კედელზე პოსტერები და ინსპირაციული ციტატები, მოკლე, პოზიტიური ფრაზები, რომლებიც მოსწავლეებს გაამხნევებს;

სეზონური დეკორი – შემოდგომის ფოთლები, ზაფხულის მოგონებების კედელი ან „სექტემბრის კალენდარი“;

მოაწყვეთ სასწავლო კუთხე. გააკარით, საკლასო წესების პლაკატი – მოსწავლეებთან ერთად შექმნილი, რომ მათაც ჰქონდეთ მონაწილეობის განცდა;

განათავსეთ რესურსების დაფა – სასარგებლო მასალებით (სიტყვების კედელი, მათემატიკური ფორმულები, რუკები);

მოაწყვეთ წიგნის კუთხე – პატარა თარო ან კალათა წიგნებით, რომ ბავშვებმა თავისუფალ დროს კითხვა შეძლონ და/ან შეეხონ წიგნებს;

ოთახის გამწვანებაც შეიძლება, ბუნებრივი გარემოს შესაქმნელად. პატარა ყვავილი ან ქოთნის მცენარე ოთახს სიცოცხლეს შემატებს და სისუფთავის განცდას გაზრდის;

ფარდები და ნათურა ისეთი შეარჩიეთ, რომ ოთახი რაც შეიძლება ნათელი იყოს;

კარგი იქნება „ჩემ შესახებ“ კედელი – თითოეულ მოსწავლეს მიეცეს საშუალება, შეავსოს პატარა ბარათი თავისი ინტერესებით, სურათით ან ნახატით;

საერთო ნამუშევრებისთვის კუთხე – სადაც მოსწავლეთა ნაშრომები გამოიფინება;

მიზნების კუთხე – სადაც ბავშვები დაწერენ, რას ელიან ახალ სასწავლო წელს.

წარმატებული სასწავლო წელი!

ასევე იხილეთ: 

როგორ დავაბრუნოთ შვილი არდადეგების შემდეგ სასკოლო გარემოში