საბავშვო ბაგა-ბაღებში სწავლა 15 სექტემბერს დაიწყება – პასუხი მშობლებს

თბილისის საჯარო სააღმზრდელო დაწესებულებებში სასწავლო-აღმზრდელობითი პროცესი 15 სექტემბერს დაიწყება. ამის შესახებ EDU.ARIS.GE–ს თბილისის საბავშვო ბაგა-ბაღების მართვის სააგენტოში განუცხადეს.

2025-2026 სააღმზრდელო წლის დაწყებამდე ბაღებში ელექტრონული რეგისტრაციის მე-3 ეტაპი გრძელდება და ბავშვის რეგისტრაციის ადგილის განურჩევლად ხდება.

თბილისის საჯარო ბაღებში 2-დან (15 სექტემბრის მდგომარეობით) 6-წლამდე აღსაზრდელები ჩაირიცხებიან.