სამახსოვრო მომავალი პირველკლასელის მშობლისათვის – როგორ გავამარტივოთ სკოლასთან ადაპტაციის პერიოდი

როგორც განათლების სპეციალისტები ამბობენ, პირველკლასელის სკოლასთან ადაპტაციის პერიოდი ორი კვირიდან ნახევარ წლამდე გრძელდება. ეს პერიოდი განსაზღვრავს მოსწავლის წარმატებასა თუ წარუმატებლობას მომავალში.

USAID-ის საბაზო განათლების პოროგრამა გვირჩევს, თვალი გადავავლოთ რეკომენდაციებს, თუ რისი გაკეთება შეგვიძლია ჩვენ, მშობლებს, ახლა, როდესაც სწავლის დაწყებამდე სულ რამდენიმე დღე რჩება.

პირველკლასელის მშობლის სამახსოვრო

დაეხმარეთ დადებითი განწყობის შექმნაში – ენთუზიაზმით ესაუბრეთ სკოლის შესახებ: რამდენად საინტერესოა სწავლა, ახალი მეგობრების შეძენა. თქვენი პოზიტიური დამოკიდებულება სკოლისა და მასწავლებლების მიმართ, გაუიოლებს ბავშვს ადაპტაციის პერიოდს.

დაეხმარეთ სკოლის გაცნობაში – ესტუმრეთ სკოლას, დაათვალიერეთ გარემო, ასწავლეთ, სად რა არის განლაგებული, აჩვენეთ საკლასო ოთახი. თუ შესაძლებელია, წინასწარ გააცანით მასწავლებელი.

დაეხმარეთ რუტინის ჩამოყალიბებაში – შეაჩვიეთ ახალ რეჟიმს: მოაწესრიგეთ ძილი, შეადგინეთ დილის განაწესი იმგვარად, რომ სკოლისთვის გამზადება ბავშვისთვის სტრესული არ იყოს.

დაეხმარეთ დამოუკიდებლობში – მიაჩვიეთ, თავად ჩაიცვას და გაიხადოს ტანსაცმელი, ჭამოს, წესრიგში იქოიოს ჩანთა და სხვა პირადი ნივთები.

დაეხმარეთ სოციოემოციური უნაების ჩამოყალიბებაში – ესაუბრეთ თავაზიანობის, სიკეთის, თანაგრძნობის გამოხატვის, მეგობრების შეძენის შესახებ. მოუყვანეთ მაგალითები.

დაეხმარეთ კითხვისა და მათემატიკური უნარების გაწაფვაში – წაუკითხეთ ხმამაღლა, ერთად იმსჯელეთ წაკითხულის შესახებ. ითამაშეთ ციფრებსა და მათემატიკურ მოქმედებებთან დაკავშირებული მარტივი თამაშები.

ასევე იხილეთ:

პირველი დღე სკოლაში – „დამრიგებლებო, საკლასო ოთახში გქონდეთ ეს ნივთები და პირველივე კვირას ჩაატარეთ ჰიგიენის გავეთილი”