შემადგენლობა განახლდა – სკოლების ინფრასტრუქტურული პროექტების განხორციელების საკითხებს სამთავრობო კომისია განიხილავს

საქართველოს მთავრობის დადგენილებით, ზოგადსაგანმანათლებლო დაწესებულებების ინფრასტრუქტურული პროექტების განხორციელებასთან დაკავშირებული საკითხების განმხილველი სამთავრობო კომისიის შემადგენლობა განახლდა.

დადგენილება, რომელსაც ხელს აწერს პრემიერ-მინისტრი ირაკლი კობახიძე, ძალაშია 23 ოქტომბრიდან.

დოკუმენტის მიხედვით, სამთავრობო კომისიის განახლებული შემადგენლობა ასეთია:

1. საქართველოს პრემიერ-მინისტრი – კომისიის თავმჯდომარე.

2. საქართველოს რეგიონული განვითარებისა და ინფრასტრუქტურის მინისტრი – კომისიის თავმჯდომარის მოადგილე.

3. საქართველოს განათლების, მეცნიერებისა და ახალგაზრდობის მინისტრი – კომისიის თავმჯდომარის მოადგილე.

4. საქართველოს შინაგან საქმეთა მინისტრი – კომისიის წევრი.

5. საქართველოს ეკონომიკისა და მდგრადი განვითარების მინისტრი – კომისიის წევრი.

6. საქართველოს კულტურის მინისტრი – კომისიის წევრი.

7. საქართველოს ფინანსთა მინისტრი – კომისიის წევრი.

8. საქართველოს იუსტიციის მინისტრი – კომისიის წევრი.

9. საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი – კომისიის წევრი.

10. საქართველოს სახელმწიფო უსაფრთხოების სამსახურის უფროსი – კომისიის წევრი.

11. სსიპ − საქართველოს მუნიციპალური განვითარების ფონდის აღმასრულებელი დირექტორი – კომისიის წევრი.

12. საქართველოს მთავრობის ადმინისტრაციის უფროსი − კომისიის წევრი.

13. საქართველოს მთავრობის ადმინისტრაციის მთავრობის ეფექტიანობის დეპარტამენტის უფროსი − კომისიის წევრი.

14. სსიპ – საქართველოს მუნიციპალური განვითარების ფონდის წარმომადგენელი − კომისიის მდივანი.

„კომისიის სხდომა იმართება პერიოდულად, კომისიის თავმჯდომარის გადაწყვეტილებით ან საქართველოს რეგიონული განვითარებისა და ინფრასტრუქტურის სამინისტროს წინადადებით, დამტკიცებული დღის წესრიგის მიხედვით“, – ვკითხულობთ მთავრობის დადგენილებაში.

ასევე იხილეთ:

შემადგენლობა განახლდა – საჯარო სკოლების მშენებლობისა და რეაბილიტაციის პროცესს სპეციალური კომისია გააკონტროლებს