„სასკოლო ფორმა და მოსწავლის თავისუფლება – რას ამბობს კანონი?“

ავტორი: მაია ლაპიაშვილი, ადრეული ან/და სკოლამდელი აღზრდისა და განათლების ექსპერტი

ზოგადი განათლების შესახებ საქართველოს კანონში წერია, რომ:

საჯარო სკოლას აქვს უფლება დააწესოს სასკოლო ფორმა.

მოსწავლეს აქვს გამოხატვის თავისუფლება და შეუძლია ფორმაზე უარის თქმაც.

ეს რას ნიშნავს პრაქტიკაში?

სკოლამ შეიძლება შემოიღოს ერთიანი სტანდარტი (მაგალითად: ფერი, მოდელი, სტილი), რათა უზრუნველყოს თანასწორობა და დისციპლინა.

თუმცა, მოსწავლე იძულებული არ არის, ატაროს ფორმა – მას შეუძლია აირჩიოს სხვა ტანსაცმელი, რაც მის ინდივიდუალობას გამოხატავს.

კანონი კრძალავს დისკრიმინაციას ან სასჯელს მხოლოდ იმ მიზეზით, რომ მოსწავლე ფორმის ტარებაზე აცხადებს უარს.

კანონი ბალანსს ადგენს:

სკოლას შეუძლია შესთავაზოს ფორმა, მაგრამ მოსწავლეს აქვს საბოლოო არჩევანის თავისუფლება.

ამიტომ მნიშვნელოვანია, რომ სკოლა, მშობლები და მოსწავლეები შეთანხმებულად მოიქცნენ:
ფორმა იყოს სურვილისამებრ – ვინც ატარებს, კომფორტულად გრძნობს თავს, ხოლო ვინც არ ატარებს, მასაც არ ეზღუდება უფლებები.

ამავეე თემაზე:

„რატომ გეშინიათ, რომ მოსწავლე და მასწავლებელი მაღალ კლასში შეიძლება ერთნაირად იცვამდნენ? – რატომ არ მიყვარს/არ მინდა ფორმა“