„სექტემბერში უმაღლესი განათლება გაიაფდა, საშუალო განათლება კი გაძვირდა“ – საქსტატის უახლესი მონაცემები

საქართველოს სტატისტიკის ეროვნული სამსახურის მიერ 2 ოქტომბერს გამოქვეყნებული ინფორმაციით, 2026 წლის სექტემბერში, წინა თვესთან შედარებით, განათლებაში ფასები 12.2%-ით, ხოლო წინა წლის შესაბამის თვესთან შედარებით 12.5%-ით შემცირდა.

საქსტატის ცნობით, განათლების ჯგუფში, სექტემბერში, წინა თვესთან შედარებით:

ფასები შემცირდა უმაღლეს განათლებაზე – 32.9%-ით.

ფასები მომატებულია საშუალო განათლებაზე – 7.0%-ით; სკოლამდელ და დაწყებით განათლებაზე – 5.8%-ით; დონით განუსაზღვრელ განათლებაზე – 4.6%-ით.

ამავე ანაგარიშის თანახმად, განათლების ჯგუფში, სექტემბერში, 2025 წლის შესაბამის თვესთან შედარებით:

ფასები შემცირდა უმაღლეს განათლებაზე – 32.9%-ით.

ფასები მომატებულია სკოლამდელ და დაწყებით განათლებაზე – 7.0%-ით, დონით განუსაზღვრელ განათლებაზე – 6.8%-ით, საშუალო განათლებაზე – 6.6%-ით.

განსაკუთრებით დაინტერესებულთათვის: საქსტატის ანგარიში

ასევე იხილეთ: 

საქართველოში საშუალო ხელფასი 2 389 ლარს აღწევს, განათლების სფეროში კი 1 468 ლარია – უახლესი მონაცემები