სკოლის დირექტორების დანიშვნის წესის შესახებ კანონპროექტი პარლამენტში პირველივე მოსმენაზე ჩავარდა
პარლამენტმა “ზოგადი განათლების შესახებ” კანონში შესატანი კიდევ ერთი ცვლილება არ დაამტკიცა. დეპუტატ სერგო რატიანის მიერ ინცირებული ცვლილება, რომელიც სკოლის დირექტორების დანიშვნის წესს ეხებოდა, დეპუტატებმა პირველი მოსმენით ჩააგდეს.
49 მომხრე და რვა წინააღმდეგი ასეთი შედეგი დაფიქსირდა ტაბლოზე. თუმცა კანონპროექტი კვორუმის არ არსებობის გამო არ დამტკიცდა. რატიანის კანონპროექტს სულ რაღაც 4 ხმა დააკლდა.
როგორც დეპუტატმა Aris.ge-განათლებასთან საუბარში აღნიშნა, იგი აღნიშნულ საკითხზე პარლამენტს კანონპროექტს მომავალშიც წარუდგენს.
,,ალბათ, ამ კანონპროექტში რაღაცეებს შევცვლი და ისევ დავაყენებ დღის წესრიგში, ოღონდ ამისთვის დრო დამჭირდება,”- განაცხადა დეპუტატმა.
მან კომენტარი დეპუტატ კობა სუბელიანის ინცირებულ კანინპროექტზეც გააკეთა, რომელიც სასკოლო ასაკის განსაზღვრას ეხებოდა.
,, სუბელიანის კანონპროექტიც ჩააგდეს, იმ ადამიანებმა არ დაუჭირეს მხარი, ვინც პირველ ჯერზე მხარი დაუჭირა. ეს იმას ნიშნავს, რომ მათზე იმოქმედეს და წელში გატეხეს. სამწუხაროდ ასე ხშირად ხდება დღევანდელ საპარლამენტო უმრავლესობაში,”- განაცხადა რატიანმა Aris.ge-განათლებასთან საუბარში.
ეკა არის© წივწივაძე
- მნიშვნელოვანი გაუმჯობესება და ორი ფუნდამენტური პრობლემა – სიკო ჯანაშიას შეფასება ზგემის საბოლოო ვერსიაზე by ARIS.GE-განათლება
- სააღდგომო არდადეგები გახანგრძლივდა – მთავრობის დადგენილებით, 7, 8 და 10 მაისი უქმე დღეებად გამოცხადდა by ARIS.GE-განათლება
- დავიწყოთ თუ არა სკოლებში ქართული ენის ცალკე საგნად სწავლება? by განათლებული ბლოგი