სტაჟირება „ასაფ ჰაროფეჰის სამედიცინო ცენტრში“

2011 წლის აგვისტოში „ასაფ ჰაროფეჰის სამედიცინო ცენტრში“ (ისრაელი) სტაჟირება გაიარა თბილისის სახელმწიფო სამედიცინო უნივერსიტეტის მედიცინის ფაკულტეტის VI კურსის 4–მა სტუდენტმა.
სტაჟირების პერიოდში ქართველი სტუდენტები ესწრებოდნენ დეპარტამენტის ხელმძღვანელების დილის კონფერენციებს და კლინიკურ შემოვლებს, აქტიურად მონაწილეობდნენ კლინიკის ყოველდღიურ ცხოვრებაში, ასისტენტობას უწევდნენ ექიმებს სხვადასხვა ოპერაციისა თუ მანიპულაციის ჩატარებისას.