სტუდენტთა მობილობის შედეგები 12 სექტემბერს გამოქვეყნდება – EMIS-ის განმარტება

2025-2026 სასწავლო წლის შემოდგომის სემესტრის სტუდენტთა მობილობის შედეგები ხვალ, 12 სექტემბერს გახდება ცნობილი.

როგორც EDU.ARIS.GE-ს განათლების მართვის საინფორმაციო სისტემაში (EMIS) განუცხადეს, შედეგები, სავარაუდოდ, 12:00 საათის შემდეგ გამოქვეყნდება.

EMIS-ის განმარტებით, სხვა უნივერსიტეტში გადასვლის მსურველი სტუდენტები საკუთარი შედეგების ნახვას ელექტრონულ პორტალზე students.emis.ge, პირად სარეგისტრაციო ფანჯარაში შეძლებენ.

„აღნიშნული საიტი ახლა გათიშულია, ხვალ ჩაიტვირთება და ინფორმაციაც დაიდება“, – აცხადებენ EMIS-ში.