თბილისის საბავშვო ბაგა-ბაღებში სააღმზრდელო პროცესი 21 იანვარს განახლდება

თბილისის საბავშვო ბაგა-ბაღებში სააღმზრდელო პროცესი გადაიდო, – აღნიშნული ინფორმაცია EDU.ARIS.GE-ს თბილისის საბავშვო ბაგა-ბაღების მართვის სააგენტოში დაუდასტურეს. არდადეგების გახანგრძლივების გადაწყვეტილება კი გრიპის ვირუსის გავრცელებას უკავშირდება.

როგორც ცენტრში გვითხრეს, სასწავლო/სააღმზრდელო პროცესი საბავშვო ბაგა-ბაღებში 21 იანვარს განახლდება.

აღსანიშნავია, რომ სასწავლო პროცესი სკოლებისთვისაც შედარებით გვიან დაიწყება. განათლების სამინისტროს მიზანშეწონილად მიაჩნია, გრიპის ვირუსის გავრცელების პრევენციის მიზნით, ზოგადსაგანმანათლებლო დაწესებულებებში 2018-2019 სასწავლო წლის ზამთრის არდადეგები გახანგრძლივდეს 18 იანვრის ჩათვლით.