„პრეტესტის შედეგების ჩვენებამ მოსწავლეს, შესაძლოა, არასწორი მოლოდინები გაუჩინოს“ – ნაეკის განმარტება
20 მაისს ზოგადსაგანმანათლებლო დაწესებულებებში საატესტატო გამოცდის პრეტესტი მიმდინარეობს. წელს პრეტესტის ფარგლებში სიახლეა – გამოცდის დასრულების შემდეგ მოსწავლეებისთვის უცნობი რჩება, რა ქულა აიღო.
აღნიშნულ საკითხზე და ცვლილების მიზეზის გასარკვევად Aris.ge-განათლება შეფასებისა და გამოცდების ეროვნულ ცენტრს დაუკავშირდა. როგორც ,,ნაეკში” განმარტავენ, პრეტესტის შედეგების ჩვენებამ მოსწავლეს, შესაძლოა, არასწორი მოლოდინები გაუჩინოს.
,,პრეტესტის – ე.წ. სავარჯიშო დღის მიზანი არ არის მოსწავლის შეფასება. ამ პროცესის დანიშნულებაა, მოსწავლეები გაეცნონ საგამოცდო პროცედურებს, მის ტექნიკურ მხარეს, ამავდროულად, კიდევ ერთხელ მოწმდება ყველა სკოლაში სისტემის გამართულად მუშაობაც. პრეტესტისას შედეგის ჩვენებამ , შესაძლოა, არასწორი მოლოდინი გაუჩინოს მოსწავლეს, ამის გათვალისწინებით პრეტესტზე მოსწავლე არ შეფასდება,”- აცხადებენ შეფასებისა და გამოცდების ეროვნულ ცენტრში.
რაც შეეხება ზოგად სავარჯიშო დღეს მოსული კითხვების სირთულეს, როგორც მეთორმეტეკლასელები ამბობენ, პრეტესტი რთული არ იყო და იმედს გამოთქვამენ, რომ გამოცდაც შესაბამისი სირთულის იქნება.
საატესტატო გამოცდების წინ წასაკითხი რჩევები საგნობრივი ჯგუფების ხელმძღვანელებისგან
მე-12 კლასის 2015 წლის სკოლის გამოსაშვები გამოცდების ჩატარების განრიგი
ეკა არის© წივწივაძე
- როგორ უნდა იმუშაოს აბიტურიენტმა პასუხების ფურცელზე – NAEC-ის რჩევები უცხოური ენის გამოცდისთვის by რჩევები
- დაიწყება თუ არა სკოლაში ქართული ენის ცალკე საგნად სწავლება? – რა პასუხი აქვს განათლების მინისტრს by ARIS.GE-განათლება
- „ძალიან დაგეხმარებათ პროგრამის მიზნებისა და შინაარსის გაცნობა“ – როგორ შევარჩიოთ სასწავლო პროგრამები სწორად by რჩევები