განათლების კოდექსის შემუშავების პროცესში შესაძლოა, მსოფლიო ბანკი ჩაერთოს

საქართველოს პარლამენტის განათლებისა და მეცნიერების კომიტეტის თავმჯდომარის თხოვნის საფუძველზე, შესაძლოა, მსოფლიო ბანკი განათლებისა და მეცნიერების კოდექსის შემუშავების პროცესში ჩაერთოს.

პარლამენტი განათლების ერთიან კოდექსზე მუშაობის დაწყებას გეგმავს – „განათლების სსიპ-ების საქმიანობა არაერთგვაროვანია და კანონით მოსაწესრიგებელი“

როგორც საკანონმდებლო ორგანოს მიერ 4 აპრილს გავრცელებულ ინფორმაციაში ვკითხულობთ, კომიტეტის წევრებმა შეხვედრა გამართეს მსოფლიო ბანკის (WB) რეგიონულ დირექტორთან სამხრეთ კავკასიაში, სებასტიან მოლინეუსთან.

შეხვედრაზე განათლებისა და მეცნიერების მიმართულებით მიმდინარე და დაგეგმილ პროექტებზე იმსჯელეს.

​„დეტალურად განვიხილეთ მსოფლიო ბანკის ყველა ის პროექტი, რომელიც განათლებასა და მეცნიერებას, ასევე, ადამიანური კაპიტალის მხარდაჭერას უკავშირდება. სტუმარს გავაცანით ჩვენი მიმდინარე პროექტები და აღნიშნულ საკითხებში ჩართულობა ვთხოვეთ, განსაკუთრებით, განათლების და მეცნიერების კოდექსის შემუშავების პროცესში. ჩვენ აქტიურად გავაგრძელებთ მსოფლიო ბანკთან თანამშრომლობას ყველა ამ პროექტის განსახორციელებლად“, – განაცხადა განათლებისა და მეცნიერების კომიტეტის თავმჯდომარემ, გიორგი ამილახვარმა.

ასევე იხილეთ:

„სასკოლო სისტემის დაფინანსების ახალი მოდელი“ – რა უნდა გაკეთდეს განათლების რეფორმებისთვის მსოფლიო ბანკის დამტკიცებული ახალი, $ 400 მლნ-იანი პროგრამით