განათლების მინისტრი: მივიღეთ მოცემულობა, რომ სკოლების 71%-ში დარეგისტრირდა დირექტორობის მხოლოდ ერთი კანდიდატი

“გამოვრიცხავთ სკოლის დირექტორთა წარდგენის პროცესის პოლიტიზირებას და ყველა კრიტიკოსს მოვუწოდებთ, ჯერ გაერკვნენ საკითხში და შემდეგ აკეთონ კომენტარები”, – ასე გამოეხმაურა 9 ოქტომბრის მთავრობის სხდომის შემდეგ განათლების მინისტრი საზოგადოებაში არსებულ პრეტენზიას, საჯარო სკოლების უმეტესობაში სკოლის დირექტორის თითო კანდიდატის წარდგენის საკითხზე.

„ბატონო გიორგი, გთხოვთ, ჩანიშნეთ შეხვედრა დაწუნებულ, უფრო სწორად დასჯილ დირექტორებთან“ – მიმართვა განათლების მინისტრს

“ჩვენთვის კატეგორიულად მიღებელია რაიმე ნიშნით ამ პროცესის პოლიტიზირება ან ჩირქის მოცხება. პროცესი ბოლო რამდენიმე თვის განმავლობაში მიმდინარეობს ღიად, საჯაროდ, ტრანსფარანტულად და ინკლუზიურად. კომისიაში არიან როგორც სამინისტროს, ასევე სხვა, საზოგადოების წარმომადგენლები. არავის, ბოლო სამი ოთხი თვის განმავლობაში, რაც ეს პროცესი მინდინარეობს, არც ერთ კანდიდატს, ორგანიზაციას თუ პიროვნებას არ უთქვამს, რომ კონკურსი რაიმე ფორმით არის მიკერძოებული, ან არასამართლიანი. ბუნებრივია, ყველაფერი კომისიაზე იყო…

საჯარო სკოლები, სადაც სამეურვეო საბჭოებს დირექტორობის კანდიდატები 5 დღის ვადაში წარედგინებათ – სია და პროცედურა

“აქ არის ერთი მნიშვნელოვანი დეტალი, ვინაიდან ისმის ბრალდებები, რომ რატომ არის თითო კანდიდატი წარდგენილი ბევრ სკოლაში. ეს არ არის სამინისტროს გადაწყვეტილება, ეს არასამართლიანი და საკითხში ჩაუხედავი კრიტიკაა. იმ სკოლების, რომელშიც ახლა კონკურსი ტარდება, დაახლოებით 71%-ში მხოლოდ ერთ კანდიდატს ჰქონდა შემოტანილი განაცხადი. კონკურსი იყო ღია, საჯარო და აბსოლუტურად ყველა მსურველს ჰქონდა სრული უფლება, შემოეტანა. მივიღეთ მოცემულობა, რომ სკოლების 71%-ში დარეგისტრირდა მხოლოდ ერთი კანდიდატი და ბუნებრივია, სამინისტროს არავითარი სხვა შესაძლებლობაც კი არ ჰქონდა სურვილის შემთხვევაშიც კი, რომ ერთზე მეტი კანდიდატი წარედგინა ამა თუ იმ სკოლაში. კომისიამ გაუწია რეკომენდაცია და ბუნებრივია, ერთია წარდგენილი. ისევ სასკოლო საზოგადოების ხელშია – სამეურვეო საბჭოების, რომელი კანდიდატია მათთვის მისაღები. ეს არ იყო სამინისტროს გადაწყვეტილება”, – განაცხადა მთავრობის სხდომის დასრულების შემდეგ გიორგი ამილახვარმა.

მოსწავლეთა აქცია „არა უსამართლობას!“ – „სასწავლო პროცესი არ მიმდინარეობს, ჩხოროწყუს სამი სკოლა გაიფიცა“