განათლების სამინისტრო საპატრიარქოს საგანმანათლებლო დაწესებულებებსა და ფონდს 5 მილიონ ლარზე მეტით დაეხმარება – განკარგულება

საქართველოს მთავრობის განკარგულებით, განათლების, მეცნიერებისა და ახალგაზრდობის სამინისტროს დაევალა, რომ საპატრიარქოს მიერ დაფუძნებულ 42 დაწესებულებას 5 მილიონ 250 ათასი ლარის ოდენობით ფინანსური დახმარება გაუწიოს.

პრემიერ-მინისტრ ირაკლი კობახიძის მიერ ხელმოწერილი განკარგულების მიხედვით, 42 დაწესებულებიდან 41 სკოლა, გიმნაზია, სკოლა-გიმნაზია და უნივერსიტეტია, ერთი კი – საპატრიარქოს განათლებისა და კულტურული ღონისძიებების განვითარების ფონდი.

დოკუმენტის თანახმად, თითოეულ საგანმანათლებლო დაწესებულებას 40 ათასი, ხოლო ფონდს 3 მილიონ 610 ათასი ლარი გადაეცემა.

საქართველოს საპატრიარქოს მიერ დაფუძნებული ზოგიერთი დაწესებულებისთვის ფინანსური დახმარების გაწევის შესახებ განკარგულება 2026 წლის 31 აგვისტოთი თარიღდება და უკვე ძალაშია.

იხილეთ: დაწესებულებების სია

ასევე იხილეთ:

400 ათასი ლარი გელათის მეცნიერებათა აკადემიას, 350 ათასი ლარი გიორგი მთაწმინდელის გალობის უნივერსიტეტს – განკარგულება

განათლების სამინისტრო თბილისის სასულიერო აკადემიასა და სემინარიას 100 ათასი ლარით დაეხმარება – მთავრობის განკარგულება