გორის უნივერსიტეტის დელეგაცია რომის ტელემატიკის საერთაშორისო უნივერსიტეტში
მიმდინარე წლის 27 ივნისს, გორის სახელმწიფო სასწავლო უნივერსიტეტის დელეგაცია რექტორის პროფესორ გიორგი სოსიაშვილის და საერთაშორისო ურთიერთობების სამსახურის ხელმძღვანელის, ბატონ ზურაბ ზურაბაშვილის შემადგენლობით რომის ტელემატიკის საერთაშორისო უნივერსიტეტს ეწვია.
შეხვედრაზე მხარეებმა იმსჯელეს ურთიერთთანამშომლობის განვითარების პერსპექტივებზე, ისეთ მიმართულებით, როგორიცაა ერთობლივი საბაკალავრო, სამაგისტრო და მოკლევადიანი პროგრამების განხორციელება.
უნივერსიტეტის რექტორმა, პროფესორმა გიორგი სოსიაშვილმა მასპინძელი უნივერსიტეტის კვლევებისა და ინოვაციების დეპარტამენტის ხელმძღვანელს, ალესანდრო კაფორიოს წარუდგინა ხედვა მოკლევადიანი ერთობლივი სასერტიფიკატო პროგრამების განხოციელების შესახებ, ისეთ სფეროებში, როგორიცაა საჯარო მმართველობა, ფსიქოლოგია, ბიზნეს-ადმინისტრირება და ტურიზმი.
მიმდინარე წლის ზაფხულს მხარეებს შორის გაფორმდება ურთიერთთანამშრომლობის მემორანდუმი და ახალი სასწავლო წლიდან გორის სახელმწიფო სასწავლო უნივერსიტეტი რომის ტელემატიკის საერთაშორისო უნივერსიტეტთან ერთად დაინტერესებულ პირებს შესთავაზებს მოკლევადიან სასერტიფიკატო პროგრამებს.
- ტრენინგი გორის სახელმწიფო უნივერსიტეტში – „პერსონალურ მონაცემთა დაცვის შესახებ ახალი კანონით გათვალისწინებული სიახლეები“ by გორის სახელმწიფო უნივერსიტეტი
- გორის სახელმწიფო უნვიერსიტეტში ახალგაზრდული კლუბის „YOUTHTITIA“ პრეზენტაცია გაიმართა by გორის სახელმწიფო უნივერსიტეტი
- გორის უნივერსიტეტში ერასმუს +-ის 2023 წლის კონკურსში დაფინანსებული პროექტების შესახებ საინფორმაციო შეხვედრა გაიმართა by გორის სახელმწიფო უნივერსიტეტი