ინოვაციების და ტექნოლოგიების სააგენტომ და IBSU-მ ურთიერთთანამშრომლობის მემორანდუმი გააფორმეს

საქართველოს ინოვაციების და ტექნოლოგიების სააგენტოსა (GITA) და შავი ზღვის საერთაშორისო უნივერსიტეტს შორის ურთიერთთანამშრომლობის მემორანდუმი გაფორმდა.

უნივერსიტეტის ინფორმაციით, მემორანდუმი მოიცავს საჯარო ლექციების, სემინარების, ტრენინგების, მასტერკლასებისა და სხვადასხვა ტიპის კონკურსების ერთობლივ ორგანიზებას.

ასევე, უნივერსიტეტის სამართლის ფაკულტეტზე არსებული სამართლის კლინიკა, შესაბამისი მომართვის არსებობის შემთხვევაში, გაუწევს უფასო იურიდიულ კონსულტაციას GITA – ს სტარტაპებს ისეთ სფეროებში, როგორიცაა საკორპორაციო სამართალი, შრომის სამართალი, ინტელექტუალური საკუთრების სამართალი და სხვა. საჭიროების შემთხვევაში, მხარეები უზრუნველყოფენ თბილისის ან/და რეგიონალურ ტექნოლოგიურ პარკებსა და ინოვაციების ცენტრებში, სამართლის კლინიკის კონსულტაციების ციკლსა და საინფორმაციო შეხვედრებს.

შავი ზღვის საერთაშორისო უნივერსიტეტის სხვა ამბები