NAEC-ში ერთიან ეროვნულ გამოცდებთან დაკავშირებით ბრიფინგი ჩაინიშნა

–
აბიტურიენტთა ჩარიცხვებისა და გრანტის განაწილების შესახებ ინფორმაცია გამოქვეყნდა
–

შეფასებისა და გამოცდების ეროვნულ ცენტრში დღეს, 11:00 საათზე, ბრიფინგი ჩაინიშნა.

EDU.ARIS.GE-ს ბრიფინგის შესახებ ინფორმაცია პრესკონფერენციის დაწყებამდე 50 წუთით ადრე შეატყობინეს.

ბრიფინგის თაობაზე ინფორმაციის ასეთ დროს მოწოდება გვარწმუნებს, რომ შეფასებისა და გამოცდების ეროვნული ცენტრი მზად არ არის განვლილი გამოცდების შესახებ საინტერესო კითხვებს უპასუხოს.

EDU.ARIS.GE ბრიფინგს არ დაესწრება.

იქნებ, ჩვენ ნაცვლად, სხვამ დაუსვას შეფასებისა და გამოცდების ეროვნული ცენტრის ხელმძღვანელს, ნინო წერეთელს ეს კითხვები:

1. რას უკავშირდება აზერბაიჯანულენოვანი ზოგადი უნერების ტესტების თარგმანის ჩავარდნა?
2. შეესაბამება თუ არა სიმართლეს, რომ წელს გამოცდებზე დასაქმებული მეთვალყურე, ამავდროულად გამოცდების მონაწილეც იყო?
3. რატომ არ დაასახელებს NAEC-ი გასული წლის მსგავსად, ჩარიცხულთა ზუსტ რიცხვს? (ან, უკვე დაასახელებს?)

ბრიფინგს შეფასებისა და გამოცდების ეროვნული ცენტრის დირექტორი ნინო წერეთელი გამართავს და სავარაუდოდ, 2025 წლის ერთიანი ეროვნული გამოცდების საბოლოო შედეგებს – აბიტურიენტთა ჩარიცხვებს გამოაცხადებს.

EDU.ARIS.GE ყველა ინფორმაციას ჩარიცხვებისა და გრანტის განაწილების თაობაზე ჩვენს მკითხველს დროულად მიაწვდის.

ასევე იხილეთ:

აბიტურიენტის ცნობარი 2025

ე.წ. უფასო ფაკულტეტები უნივერსიტეტების მიხედვით

გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე

განახლებადი ინფორმაცია გამოცდების შესახებ