ოკუპირებულ ტერიტორიებზე მცხოვრები სტუდენტები 150-ლარიან სტიპენდიას მიიღებენ
ოკუპირებულ ტერიტორიებზე მცხოვრები აბიტურიენტებისთვის სკოლის შემდგომი განათლებისთვის მოსამზადებელ პროგრამაზე 100-ზე მეტი მსურველი დარეგისტრირდა. ამის შესახებ შერიგებისა და თანასწორობის საკითხებში სახელმწიფო მინისტრმა ქეთევან ციხელაშვილმა თსუ-ში პროგრამის მონაწილეებთან შეხვედრის შემდეგ განაცხადა.
„100-ზე მეტი განაცხადია შემოსული, ეს ადამიანები გამარტივებული წესით, ეროვნული გამოცდების გარეშე ჩაირიცხებიან სასწავლებლებში და მიიღებენ სტიპენდიას 150 ლარის ოდენობით“, – თქვა ქეთევან ციხელაშვილმა.
პროექტი თბილისის ივანე ჯავახიშვილის და ზუგდიდის სახელმწიფო უნივერსიტეტებში ხორციელდება. ოკუპირებულ ტერიტორიებზე მაცხოვრებელი ახალგაზრდების მომზადების, ასევე უნივერსიტეტში ჩარიცხვის შემდეგ, სწავლის პერიოდში, სასწავლო და საცხოვრებელ ხარჯებს, სახელმწიფო დააფინანსებს.
თ.ვ.
- რა უფლებები მიენიჭათ საგანმანათლებლო რესურსცენტრებს სკოლებთან მიმართებით აჭარაში – განათლების მინისტრის ბრძანება by ARIS.GE-განათლება
- როგორ უნდა იმუშაოს აბიტურიენტმა პასუხების ფურცელზე – NAEC-ის რჩევები უცხოური ენის გამოცდისთვის by რჩევები
- დაიწყება თუ არა სკოლაში ქართული ენის ცალკე საგნად სწავლება? – რა პასუხი აქვს განათლების მინისტრს by ARIS.GE-განათლება