პერსონალურ მონაცემთა დაცვის ოფიცერი, საჭიროების მიხედვით, აჭარის სკოლებშიც დაინიშნება

საგანმანათლებლო რესურსცენტრებს საჯარო სკოლებში პერსონალურ მონაცემთა დაცვის ოფიცრის წარგზავნის უფლება აჭარაშიც ექნებათ.

რა ახალი ფუნქციების განხორციელების უფლება მიენიჭა სკოლაში საგანმანათლებლო რესურსცენტრის თანამშრომელს – ცვლილება

კერძოდ, აჭარის ავტონომიური რესპუბლიკის განათლების, კულტურისა და სპორტის მინისტრის, მაია ხაჯიშვილის 25 მარტის ბრძანებით, ცვლილებები შევიდა აჭარის ავტონომიური რესპუბლიკის განათლების, კულტურისა და სპორტის სამინისტროს ტერიტორიული ორგანოების – ბათუმის რესურსცენტრის, ქობულეთის რესურსცენტრის, ხელვაჩაურის რესურსცენტრის, ქედის რესურსცენტრის, შუახევის რესურსცენტრისა და ხულოს რესურსცენტრის დებულებაში.

ბრძანებაში ვკითხულობთ: “რესურსცენტრის სამოქმედო ტერიტორიაზე არსებულ საჯარო სკოლებში, დირექტორის შუამდგომლობის საფუძველზე, ინდივიდუალური ადმინისტრაციულ-სამართლებრივი აქტით, ბრძანებით განსაზღვრავს რესურსცენტრის თანამშრომელს, რომელიც უზრუნველყოფს პერსონალურ მონაცემთა დაცვის ოფიცრის ფუნქციების განხორციელებას რესურსცენტრს დაქვემდებარებული იმ საჯარო სკოლისათვის, რომელსაც არ ჰყავს დანიშნული პერსონალურ მონაცემთა დაცვის ოფიცერი. ოფიცრის სამუშაო აღწერილობა და ანგარიშვალდებულების საკითხი განისაზღვრება შესაბამისი სკოლის დირექტორის ინდივიდუალური ადმინისტრაციულ-სამართლებრივი აქტით, ბრძანებით”.

ამავე თემაზე:

განათლების სამინისტროს საპასუხო განცხადება – რა სამუშაოს შეასრულებს სკოლაში პერსონალურ მონაცემთა დაცვის ოფიცერი

რა ახალი ფუნქციების განხორციელების უფლება მიენიჭა სკოლაში საგანმანათლებლო რესურსცენტრის თანამშრომელს – ცვლილება