როგორ აპირებს მთავრობა მასწავლებელთა პროფესიული განვითარების ხელშეწყობას? – გეგმა 2026 წლის ბიუჯეტის პროექტით

საქართველოს მთავრობამ მასწავლებელთა პროფესიული განვითარების ხელშეწყობის პროგრამით გათვალისწინებული გეგმები 2026 წლის სახელმწიფო ბიუჯეტის პროექტში ასახა, საიდანაც ირკვევა, რომ დაგეგმილია განათლების სისტემაში დასაქმებულ პირთა, მათ შორის, სკოლამდელი და ზოგადი განათლების დაწესებულებაში მომუშავე პირების (დირექტორებისა და მასწავლებლების) პროფესიული განვითარება და მათი კვალიფიკაციის ამაღლება.

რა ნაბიჯერის გადადგმას გულისხმობს მთავრობა დაკონკრეტებული არ არის.

„უნდა დაელოდოთ“ – მასწავლებლის პროფესიის რეგულირების ახალ წესზე მუშაობა დაწყებულია, თუმცა დეტალები – უცნობი

თუმცა პროგრამით გათვალისწინებულია არაერთი სხვა მიზანი მათ შორის:

– ეროვნული სასწავლო გეგმით განსაზღვრული საგნების სწავლისა და სწავლების თანამედროვე მიდგომების დანერგვის, ხელმისაწვდომობისა და გავრცელების ხელშეწყობა;

– მასწავლებლის პროფესიული სტანდარტების განვითარების, ეფექტური დანერგვისა და რესურსების შექმნის გზით მასწავლებელთა ზოგადი და საგნობრივი პროფესიული კომპეტენციების განვითარება;

– ეროვნული უმცირესობებისთვის ხარისხიანი განათლების მიღების უზრუნველყოფა სახელმწიფო ენის გაძლიერებით;

– საქართველოს მაღალმთიანი და ბარის შორეული სოფლების საჯარო სკოლებში კვალიფიციური კადრების მოზიდვის გზით სწავლა – სწავლების პროცესის ხელშეწყობა და განათლების მიღების თანაბარი შესაძლებლობების უზრუნველყოფა;

– არაქართულენოვანი სკოლების მხარდაჭერა – ეროვნული უმცირესობებით კომპაქტურად დასახლებული რეგიონების არაქართულენოვანი სკოლების მასწავლებელთა პროფესიული განვითარების და სწავლა-სწავლების პროცესის ხელშეწყობა.

ასევე იხილეთ:

„უნდა დაელოდოთ“ – მასწავლებლის პროფესიის რეგულირების ახალ წესზე მუშაობა დაწყებულია, თუმცა დეტალები – უცნობი