როგორ უნდა მიიღოს პედაგოგმა განვლილი დროით შემაჯამებელი წერის ჩანიშვნის უფლება – ინსტრუქცია

მასწავლებელი, ელექტრონულ ჟურნალში განვლილი დროით შემაჯამებელ წერას ვერ ჩანიშნავს.

როგორც განათლების მართვის საინფორმაციო სისტემა 30 ოქტომბერს განმარტავს, ასეთი საჭიროების დადგომის შემთხვევაში, მასწავლებელს აქვს სკოლის ხელმძღვანელობისთვის მიმართვის უფლება:

“თუ გსურთ რომ შემაჯამებელი წერა გასულ თარიღზე ჩანიშნოთ, ამისათვის უნდა მიმართოთ სკოლის ადმინისტრაციას მოთხოვნით, რათა ნება დაგრთოთ გასულ თარიღზე წვდომასთან დაკავშირებით”, – აცხადებენ განათლების მართვის საინფორმაციო სისტემაში.

ინსტრუქცია მასწავლებელს: მოთხოვნის ფუნქციის გამოყენება

ცნობისთვის, განახლებული ელექტრონული ჟურნალი მასწავლებლებს, მშობლებს და მოსწავლეებს საგანმანათლებლო პროცესის მართვას უნდა უმარტივებდეს. განათლების სამინისტროს განმარტებით, მისი საშუალებით შესაძლებელია:

• მოსწავლეების ელექტრონული აღრიცხვა და შეფასება
• მშობლებისთვის საჭირო ინფორმაციის დროული მიწოდება
• სკოლის ღონისძიებების, გაკვეთილების ცხრილის, გამოცდებისა და მოსწავლისთვის
• განკუთვნილი საშინაო დავალებების ჩანიშვნა
• მოსწავლეების შეფასებისა და დასწრების შესახებ სტატისტიკური ინფორმაციის მიღება
• მოსწავლის შესახებ მშობელსა და მასწავლებელს შორის ინფორმაციის მყისიერი მიმოცვლა
• სკოლის ღონისძიებების, გაკვეთილების ცხრილის, გამოცდებისა და მოსწავლისთვის განკუთვნილი საშინაო დავალებების თვალყურის მიდევნება
• შვილის შეფასებისა და დასწრების შესახებ სტატისტიკური ინფორმაციის მიღება
• პროცესის ყველა მონაწილეს წინასწარ აქვს ინფორმაცია სასწავლო დასვენების დღეების შესახებ.

ასევე იხილეთ:

როდის შეეძლებათ მასწავლებლებს ელექტრონულ ჟურნალში მობილური აპლიკაციით შესვლა

ყველა კითხვა და ყველა პასუხი სკოლის ელექტრონული ჟურნალის შესახებ ნებისმიერი მომხმარებლისთვის