GE

თსუ და ილიაუნი მსოფლიოს უნივერსიტეტების 2019-2020 წლის რეიტინგში მოხვდნენ

მსოფლიო უნივერსიტეტების რეიტინგების ცენტრმა (CWUR), რომლის სათაო ოფისიც  არაბეთის გაერთიანებულ საემიროებში მდებარეობს, მსოფლიოს უნივერსიტეტების 2019-2020 წლის რეიტინგი გამოაქვეყნა. CWUR-ის აღნიშნულ რეიტინგულ სიაში საქართველოს ორი უნივერსიტეტიც მოხვდა.

ჩამონათვალში, რომელიც მსოფლიოს 2000 უმაღლეს სასწავლებელს აერთიანებს, 1073-ე პოზიციაზეა წარმოდგენილი ივანე ჯავახიშვილის სახელობის თბილისის სახელმწიფო უნივერსიტეტი, 1549-ე ადგილს იკავებს ილიაუნი.

რეიტინგში ტრადიციულად ჰარვარდის უნივერსიტეტი ლიდერობს. პირველ ათეულში ამერიკის შეერთებული შტატების რვა უნივერსიტეტია წარმოდგენილი. 2000 საუკეთესოს შორის კი აშშ-დან 358 უნივერსიტეტი შევიდა.

რანჟირებაში 222-ე ადგილს იკავებს რუსეთში საუკეთესო, ლომონოსოვის სახელობის მოსკოვის სახელმწიფო უნივერსიტეტი.

1930-ე ადგილს იკავებს სომხეთის სახელმწიფო უნივერსიტეტი. უნივერსიტეტების მსოფლიო რეიტინგში ვერ ნახავთ უმაღლეს სასწავლებელს აზერბაიჯანიდან.

რეიტინგში 1330 პოზიციაზეა კიევის ტარას შევჩენკოს ეროვნული უნივერსიტეტი.

883-ე ადგილით ათასეულში შედის ბელარუსის სახელმწიფო უნივერსიტეტი.

წყარო: რადიო თავისუფლება

დასვით კითხვა და მიიღეთ პასუხი - ედუს საცნობარო სამსახური
edu.aris.ge საგანმანათლებლო ინტერნეტ-პორტალი