უნივერსიტეტებისთვის გამოცდებითა და გამოცდების გარეშე მისაღები სტუდენტების ახალი რაოდენობები განისაზღვრა – ირაკლი კობახიძის დადგენილება

საქართველოს მთავრობის დადგენილებით, 5 აგვისტოს ცვლილება შევიდა „2026-2027 სასწავლო წლისათვის სახელმწიფოს მიერ დაფუძნებულ უმაღლეს საგანმანათლებლო დაწესებულებაში, უმაღლესი საგანმანათლებლო დაწესებულებისა და საგანმანათლებლო პროგრამების (კურიკულუმების) მიხედვით, ერთიანი ეროვნული გამოცდებით/სამაგისტრო გამოცდებით და ერთიანი ეროვნული გამოცდების/სამაგისტრო გამოცდების გავლის გარეშე მისაღებ სტუდენტთა რაოდენობის დამტკიცების შესახებ“ დადგენილებაში.

უფრო ზუსტად კი სახელმწიფო უნივერსიტეტებში კონკრეტულ პროგრამებზე კვოტები გაზრდილია:

წელს ბაკალავრიატზე მისაღებ სტუდენტთა ჯამური რაოდენობა შეადგენს 21,709 -ს, ხოლო მაგისტრატურაზე 3 390-ს.

განახლებული დეტალური მონაცემების სანახავად იხილეთ ორი დანართი:

ერთიანი ეროვნული გამოცდებით/ერთიანი ეროვნული გამოცდების გავლის გარეშე მისაღებ სტუდენტთა რაოდენობა ჩამოყალიბდა ამ დადგენილების დანართ №1-ის შესაბამისად:

დანართი/სია #1 (უნივერსიტეტები, პროგრამები და მისაღები ადგილები)

სამაგისტრო გამოცდებით/ სამაგისტრო გამოცდების გავლის გარეშე მისაღებ სტუდენტთა რაოდენობა ჩამოყალიბდა ახალი დადგენილების დანართ №2-ის შესაბამისად:

დანართი/სია #2 (უნივერსიტეტები, პროგრამები და მისაღები ადგილები)

“უმაღლესი საგანმანათლებლო დაწესებულება ვალდებულია, გათვალისწინებული პირების ჩარიცხვის შესახებ ბრძანება გამოსცეს არაუგვიანეს 2026 წლის 1 ოქტომბრისა და ორი სამუშაო დღის ვადაში წარადგინოს აღნიშნული ინფორმაცია სსიპ − განათლების მართვის საინფორმაციო სისტემაში”, – ვკითხულობთ პრემიერ-მინისტრის 5 აგვიტოს დადგენილებაში.

ასევე იხილეთ:

„ახალი სასწავლო წლიდან აგრარული მიმართულება მთლიანად გადადის სოხუმის სახელმწიფო უნივერსიტეტში“

რომელ სახელმწიფო უნივერსიტეტებს რომელი პროგრამების განხორციელების უფლება აქვთ – ცვლილება