2 დეკემბერს ილიაუნიში რეზო კორინთელის საჯარო ლექცია გაიმართება

2 დეკემბერს 19:00 საათზე, ილიას სახელმწიფო უნივერსიტეტის A 101 აუდიტორიაში, შეხვედრების სერიის – „ფსიქოანალიზი საუნივერსიტეტო სივრცეში“ – ფარგლებში, ილიაუნის სოციალური და კულტურის კვლევების ინსტიტუტი გიწვევთ პროფესორ რეზო კორინთელის საჯარო ლექციაზე: „კომპლექსების შესახებ“.

რეზო კორინთელი ილიას სახელმწიფო უნივერსიტეტის სრული პროფესორია; ამავე დროს, ის არის მედიცინის მეცნიერებათა დოქტორი, ფსიქიატრი, დიპლომირებული ანალიტიკოსი, ამერიკული ჯგუფური ფსიქოთერაპიის ასოციაციის საპატიო წევრი.

ილიაუნის ცნობით, ლექციის ფარგლებში, მომხსენებელი დამსწრე აუდიტორიას გააცნობს კომპლექსების განმარტებასა და ცნებას, მოკლე ისტორიას, ასოციაციურ ექსპერიმენტს, კომპლექსების ტიპებსა და მათი გამოცნობის საშუალებებს; მოკლედ განიხილავს ზოგიერთ მათგანს.

დასწრება თავისუფალია.